| Somali News | |||||||||||||||
Horta Somalia saaxiib maleedahay. 
Waxaan maqaalkan inaan qoro ugoaansaday markaan arkay sida wadamada aduunku ay midkasta oo kamid ah uleeyahay saaxiib kale oo u hiilliya maalintii dhibaato kudhacdo markay brwaaqo yihiinna ay wax wada qabsadaan gaar ahaan qaarada afrika wadama kuyaallaa waxay kutiirsanyihiin taageerada saaxiibadooda reer yurub gaar ahaan kuwii gumaystay tusaale ahaan wadanka ay soomaaliya dariska yihiin Kenya waa saaxiib weyn oo ingiriiska iyo maraykanku kuleeyihiin bariga afrika waxayna sanad walba siiyaan taageero dhaqaale oo farabadan wax si wayn uga caawiyaan arrimaha amaanka iyo sirdoonka waxaana saldhigyo milletary ku leh wadan ingiriisa, markii ay uu dhacay murankii dorshada Kenya ee sanadkii tagay waxaa la ogaa sidii loogu dadaalay inaan dagaal sokeeye kadhicin wadankaas sidoo kale wadanka Ethiopia waa saaxiib fog oo reer galbeedku kuleeyihiin afrika waxaaba la orankaraa waa wadanka kaliya ee saaxiibka dhabta ah ku leh yurub intaas iyo kale oo aanan soo koobi Karin oo saaxiibtinimo ayay leeyihiin wadamada dariska la ah Somalia. Bal hadana aan eegno Somalia, waqtigii Somalia xoriyada qaadatay waxaa jiray laba quwadood oo aduunka ugu waa weynaa kuwaas oo kala ahaa dawladii midawgii soofiyeetka oo looyaqaabay USSR iyo dawladaha reer galbeedka oo mareykanku hogaan uyahay waa NATO IYO WARSO waxaa kaloo jiray dawladaha carabta oo Somalia dhaqan iyo diinba ay wadaagaan sidaas daraadeed waxaa qasab ku ahayd madaxdii soomaaliya ee waagaas inay aduunka saaxiib kuyeeshaan maxaa yeelay Somalia waxay ahayd wadanka faqri ah oo xorriyada hada qaatay oo hadana dhulkiisi maqanyahay una baahan gacan qabasho si uu dhulka uga koco, ayadoo taas laga duulayo ayuu raisul wasaarihii Somalia ee xiligaas mudane cabdirashiid cali Sharma arke horraantii 1960kii wuxuu booqasho kutagay magaaloyinka Rome iyo Washington wuxuuna kacodsaday kaalmo miletari iyo mid siyaasadeed taas waa diideen waxayna yiraadeen Somalia uuma baahna miletari ee waxay ubaahantahay 5000 oo boolis ah waxayna ogolaadeen 10 milyan qaaraan ahaan loo uruuriyo. mudane cabdi rashiid asagoo taas kacarooday ayuu 23/05/1961 booqasho u tagay magaalada Moosko ee xarunta Ruushka wuxuuna codsaday in Somalia lataageero waana laga aqbalay oo 02/06/19961kii waxaa qalinka lagu duugay heshiiskii {Somali-soviet treaty} kaas oo ahaa mid balaaran oo dhinacyo badan taabanya sida mashruucii Russian projects waxaase ugu muhiim sanaa in Ruushku sare uqaado tayada, tirada, tababrka, hubka ciindanka xooga dalka soomaaliyeed. markii inqilaabka talada kula wareegeen miletarigu 1969kii waxay siyaasada arimaha dibada kuwadeen tubtii uu cabdirashiid ujeheeyay waxaana sii laba lixaadsaday xiriirkii Ruushka iyo Somalia waxaa dalka laga eryay jaajuusiintii ameerikaanka waxaana Ruushku xoojiyay maalin galintii Somalia sida ballarintii dekada iyo garoonka kismaayo, warshada hilibka kismaayo, isbitaalka warshiikh, isbitaalka waajid, mashruucii faanoole, madbacadda xamar, warshada kaluunka laasqoray iyo mashruucyo kale oo farabadan xiriirkaas kadhexeeyay labada wadan waxaa sii xoojiyay wadamada masar iyo suudaan oo dalalkooda kacayriyay khubaradii millatari ee Ruushka. Inta aysan masar iyo suudan cayrin khubaradii soofiyeetka waxaa Somalia booqasho kuyimid marshal Grechko wasiirkii gashaandhiga ee Ruushka si carabta loogu muujiyo in Ruushku saaxiibo kale kuleeyahay badda cas, badda casna aysan ahayn haro-carbeed oo kaliya. 10/07/1972 waxaa moosko lagu martiqaaday wasiirkii gaashaan dhigga Somalia maxamed cali samatar wadahadaladii uu layeeshay madaxdii Ruusha waxaa kasoo baxay in Ruushku Somalia siiyo hub tiro badan oo ay kamid ahaayeen taangiyo, diyaarado dagaal iyo sawaariikhda saam-3 iyo taageero kale oo farabadan. Bishii luuliyo 1974kii waxaa Somalia booqasho kuyimid madaxweynihii soofiyeetka S.N.PODGORNY waxayna madaxdii Somalia kala saxiixdeen heshiis saaxiibtinimo {friendship & CO-operation Treaty} Ruushkuna wuxuu Somalia ugu deeqay hub qiimihiisu gaarayo 300 oo milyan oo doolar. Xiriirka wanaagsan ee u dhexeeyay Somalia iyo midawgii soofiyeeti iyo taageerada Somalia ay kaheshay soofiteetka ayaa Somalia waxay noqotay wadan sharaf iyo meeqaam ku leh caalamka. Qaybta labaad ayaan ku eege doonaa meesha uu kudambeeyay saaxiibtinimadii Ruushka iyo Somalia iyo waxa baabi'iyay iyo cidda mas uulka ka ahayd. Sida aan soo sheegnay xiriirka Somalia ee dibada waxa ugu waynaa uguna muhiimsanaa kan ay la lahayd midawgii soofiyeetka maamulayasha Somaliyana waxay wadanka ujeheeyaan dhinaca hanti wadaaga ah ayagoo dhabarka ujeediyay reer galbeedka. xiriirku waxa uu sidaas kusocdaba ayaa sanadkii 1974kii waxaa wadanka itoobiya taladisa lawareegay ciidamada millatariga waxayna halkaas kusoo afjareen boqortooyadii xayle salaase ee soo jirtay nus qaringa, markii milatarigu lawareegeen talada waxaa kadhex aloosmay muran kusaabsan halka loo jahaynayo wadanka labada dhinac ee NATO iyo WARSO waxaana dhex maray gacan kahadal sababay in ladilo jenaral Aman andom oo markii xayle salaase lariday loo doortay madaxa sare ee dergue-ga ahaana taliyihii ciidamada Ethiopia xiligii dagaalkii Somalia ee 1964kii dagaalo farabadan kadib waxa markii dambe guushu raacday dhinicii warso ee hogaanka u ahaa mengistu xayle mariam oo talada itoobiya si rasmi uu lawareegay 1977kii guushii mengistu waxay guul kale u ahayd soofiyeetka maxaa yeelay itoobiya waxaa saldhigyo kulahaa mareykanka mengistuna mareykanka waa uu kasoo horjeeday. 1977kii bishii may mengistu wuxuu albaabada ulaabay saldhigii ameerikaanku kulahaa casmara wuxuu kaloo cayriyay 300 oo saraakiil ameerican ah taas oo guul u aheyd soofiyeetka maadaama uu berbera oo uu awalhore saldhig kulahaa ku darsaday casmara sidaas daraadeed waxaa dawlada soofiyeetka qasab kunoqotay in dhexdhexaadiso Somalia iyo itoobiya si ay u badbaadsato saldhigyadeeda waxaana loo xilsaaray dhexdhexaadintaas fidel castro madaxweynihii cuba, castro ayaa 13/03/1977 muqdisho yimid wuxuuna sheegay inuu nabadayn wado waana laga aqbalay, maalintii xigtayna addis ababa ayuu tagay kadibna 16/03/1977 wuxuu cadan kushiriyay siyad barre, xayle maryam iyo cali rubeeci oo markaas ahaa hogaamiyaha yamantii koofureed wuxuuna miiska soo dhigay in sadexda dal ay kumidoobaan dawlad federal ah oo hanti wadaag ah maxamed siyaad wuu aqbalay laakiin wuxuu shardi uuga dhigay in Eretria iyo soomali galbeed madax banaani lasiiyo Kadina ay kaqayb galaan hanti wadaaga taasna waxaa diiday mengistu sidaas ayuuna kuburburay shirkii. 3/5/1977kii waxaa magaalada moosko booqasho kutagay mengistu xayle maryam waxaana loogu deeqay hub qiimihiisu kor udhaafayay $385 million, Somalia waa ay kacarootay arintaas waxay soofiyeetka kuwar galisay in aysan udulqaadan doonin hubantabaynta itoobiya. Sanadkii 1976kii maxamed siyad barre wuxuu booqashoyin kutagay dalal carbeed waxayna kusalaysnayd kaalmo doon. Bishii maaj 1976kii sacuudiga ayaa Somalia ugu yaboohay mucaawino farabadan hadii soofiyeetka la gacayriyo Somalia 06/04/1977 amiir sacuud al faysal ayaa booqasho kuyimid muqdisho wuxuuna ballan qaaday 350 million hadii soofiyeetka lacayriyo. 14/02/1974kii Somalia waxay kubiirtay jaamacada carabta. Arimahaas oo dhan waxay mugdi galiyeen xiriirkii soofiyeetka iyo Somalia waxaana jirtay khiyaamo kale oo lagu wax yeeleeyay xiriirka labada dal.. Siyaasada arimaha dibadu waa wadnaha wadanka waa barta laga hago in wadanka xuduudihiisu aanay cadaw gacanta ugalin haduusan wadanku taagwayne ahayn waa meesha laga ogaado dadka kunool aduunka ninka cadawga kuu ah iyo kan rafiiqa kuu ah waa halbeega lagu ogaado waxma tarayaasha aduunka sidaas daraadeed Somalia oo ahayd wadan dhulkiisa inta badan maqanyahay ahna wadan faqri ah oo taageero aduunka uga baahan waxaa muhiim ahayd in siyaasada arimaha dibada ay noqoto meel laisugu keeno dadka Somalia ugu aqoonta badan ugu aftahansan ugu wadanisan ugu dabeecad wanaagsan aad ukala yaqaanna shuruucda caalamiga ah aad uyaqaana habdhaqanka qaramada midoobay aad uyaqaanna luqada diblomaasiyada hadii intaas laheli lahaa madheceen waxyaalahaan aan soo wado. Sanadkii 1975kii Somalia waxay inkirtay saldhigii Ruushku kulaha berbera ayadoo loola jeedo in reer gabeedka taageero looga helo maxamed siyaad ayaa yiri mandaqada geeska afrika waa dhexdhexaad kamaxbanaan quwadaha waaweyn wuxuuna berbera ku marti qaaday wariyayaal reer galbeed ah iyo gudi xaqiiqo raadin ah oo kasocda senate-ka mareykanka markay berbera yimaadeen oo ay tageen saldhigii Ruushka waxay isku dayeen inay sawirro kaqataan laakiin saraakiishii Ruushka ayaa diiday. Marka uu maxamed siyaad saas yeelayo waxaa wadanka Somalia jooga in kabadan 10,000 oo ciidan iyo khubaro millateri oo Ruush ah. Talaabadaas waxay aad ucaro galisay dawladii Ruushka waxay maxamed siyaad ku tilmaameen labo wajile raba inuu bari iyo galbeed darandoorri uliso. Khiyaamooyinka kale oo ay wadeen wadamo carbeed iyo mareykanku sida wanaagsanna ay umaaran waayeen saraashiikii wasaarada arimaha dibada iyo madaxdii Somalia waxaa kamid ahaa madaxweynihii masar anwar al saadaat ayaa kugoodiyay inuu Somalia Ruushka kasaari doono wuxuuna yiri way noo fududahay taasi waayo markii horeba annagaa soo galinay qaarada afrika. Anwar al sadaat oo Ruushka taageero kawaayay markii uu ladagaalamayay yahuuda markaasna mareykanka iskala saaxiibay iyo boqor fahad oo waligiisba ahaa maqaarsaar ameerikaan ayaa waxay sameeyeen qorshe khatar ahaa oo Somalia lagu halaagay. Nin lagu magacaabi jiray Kavin Cahill oo ahaa dhakhtarkii madaxweynihii hore ee UAE dhalashadiisuna mareykan ahaa ayaa waraaq loosoo dhiibay ay ku qornayd farriin been ah wuxuu ukeenay maxamed siyaad waxaa ku qornaa in mareykanku hub ka iibinayo Somalia qiimaha hubkaas waxaa bixinaya dawlada sacuudiga . sidaas daraadeed danjirihii Somalia u fadhiyay Washington cabdullaahi axmed cadow ayaa codsi hub ugudbiyay mareykanka laakiin waxba kama helin. Waxaas oo dhan marka ay dhacayaan wadanku wax uu kujiray xaalad adag ciidamada Somalia waxay joogaan gudaha itoobiya waxaa socda dagaallo kharaar oo jabhadii xoreynta Somali galbeed oo kaashanaysa millateriga Somalia ay kawadaan gudaha itoobiya, itoobiyana waxay wadaa qaylo dhaan ah in Somalia rabto inay qabsato itoobiya indhaha caalamka oo dhan waxay kujeedaan Somalia. Sikastaba ahaatee dawladii midawga soofiyeetku markay qiimaysay habdhaqanka saaraakiisha Somalia iyo sida ay rabaan in midba waji kula dhaqmaan carab iyo mreykan oo meel ah iyo midawga soofiyeetka oo ay rabaan inay mid mar lisaan markay eegtay wiilka dhagaha fudud ee itoobiya maamula iyo sida uu ugu dhaga fududyahay amarada moosko waxay goaansatay inay dib u eegto xiriirka Somalia hadii ay wax kabadali waayaan habdhaqankooda qalafsan. Horaa loo yiri: Tuhmaa lagu ridaa niman haday kala tegaayaane, Tubta toosan waa laga duwaa tuurintii jabiye.. Hadii sababtu dhici maanka waa layska suulshaaye, Solimaysid taladii eebbe seeg ku leeyahaye.. Maxamed siyaad oo aaminay beentii carabta dibna aan ufiirin taariikhda reer falastin iyo waxay carab u tartay ayaa taariikhdu markay ahayd 13/11/1977kii kudhawaaqay inla tirtiray heshiiskii {soviet Somali treaty} iyo waliba wadanka cuba xiriirkiisii wuxuu kaloo amray khubaradii soofiyeetku iyo safaaradii cuba-ba ay wadanka isaga baxaan saacado gudohood. Xaqiiqdii goaankaas wuxuu ahaa mid qayru masuulnimo ah wuxuu ahaa jab weyn oo Somalia kudhacay xag millateri iyo xag dhaqaalaba wuxuu ahaa mid haadaan dheer ku riday qarankii Somalia wuxuu ahaa goaan uusan qaateen nin ruug caddaa siyaasadeed ah wuxuu ahaa goaan uusan qaateen nin wadankiisa dagaal kufuranyahay wuxuu ahaa goaan uusan qaateen nin hogaamiye u ah wadan sida Somalia oo kale ah wuxuu ahaa goaan uusan qaateen nin xasuusta gabaygii sayidka ee ahaa Nimankii cigaalada xumaa ciidan ma hayaane inkastoy cid kuu soo diraan waa cidloo kale'e maandhow calaacalka iga daa carabi waa naage.. goaankii maxamed siyaad ee qar iska tuurnimada ahaa wuxuu sharaf dil iyo karaamo ridid ku ahaa wadan ah mid laga haybaysto aduunkaan wuxuu dac kujiidis ku ahaa wadan taag weyne ah oo madaxdiisu utababaranyihiin kaligii talisnimada iyo sida looga aarsado kuwa taagta daran ee awaamiirtiisa kahoryimaada sharaftiisana wax u dhima. Sidoo kale goaankaasi wuxuu bishaaro iyo bil khayr u ahaa kaligii taliye mengistu xayle mariam waxyarkadib goaankaas si uu uraali galiyo moosko wuxuu maalintaas toogtay ku-xigeenkiisi Atnafu abate oo lagu tuhmay inuu ujanjeero dhinaca Washington wuxuuna dalbaday 15000 ee ciidamada iyo khubarada Ruushka ah ee Somalia laga eryay in wadankiidu gacmo furan kusoo dhawaynayo waana laga aqbalay oo meel dheer iyo safar dheer midna magalin ee addis ababa iyo dakada casmara bay u taxaaxuleen. Markii ciidamadii iyo khubaradii soofiyeetka laga eryay Somalia dawladii soofiyeetku waxay qaadatay talaabo ay kaga jawaabayso goaankaaas kudhawaad 15000 ee ciidamadii iyo khubaradii waxaa loo wareejiyay Ethiopia waxaana ay ku dhaaratay in Somalia ka aarsandoonto. itoobiya oo fursad taariikhi ah heshay waxay isku diyaarisay sidii ay milatariga Somalia looga saari lahaa dhulka Somali galbeed oo markaas ay dhamaantiis gacanta kuhayeen marka laga reebo magaalada taariikhiga ah ee Harar sidaas daraadeed dhamaan bahdii huwanta warso waxay isku diyaariyeen sidii ay Somalia ugu qaadi lahaayeen dagaal saf balaaran ah. Dadka somalidu marka waxay kudoodaan inay yihiin dad carab ah taasoo ay sabab u tahay dhaqanka iyo diinta kadhexeeya carabta iyo Somalia maxamed siyaad barre oo Somalia kudaray jaamacada carabta markii ay Ruush kalatageen cidda kaliya oo taageero uu karabay waxay ahayd carabta oo markii horeba ballan qaad sameeyay Yurub iyo Mareykan ayaga sicad bayba mar hore udiideen inay Somalia taageeraan waliba mareykanka gudiga arimaha yahuuda ee mareykanka ayaa dawlada mareykanka usheegay in Somalia uusan hub kana iibin Karin siina Karin maxaa yeelay xiriir fog ayaa kadhexeeya itoobiya iyo yahuuda itoobiyana waxaa kunoolaa yahuud aad ufarabadan. Huwantii warso waxay itoobiya ufidiyeen taageero balaaran oo milatari oo isugu jirta cirka badda iyo dhulka wadanka Cuba wuxuu ugu deeqay 15000 oo askari Ruushku intaas in kabadan jarmalkii bari asaguna taageero ayuu bixiyay yamentii koofureed 1750 askari liibya ayaduna ciidamo ayay ku deeqday dhamaan ciidamadaas iyo kuwii itoobiyaanka ee dagaalka loo diyaariyay waxaa taliye loo dhigay taliye ku-xigeenkii ciidamada lugta ee Ruushka Gneral Petrov kuxigeenkiisana waxaa laga dhigay ninkii taliyaha u ahaa Ciidamadii Ruushka ee Somalia joogay oo asagu sirta ciidanka Somalia dhan yaqaanay waa General Barisov. 01/03/1978kii ayuu mengistu wuxuu yiri Ethiopia hada ayay bilowday dagaalkii ay dhulkeeda kaga sifeyn lahayd Somalia dagaalkuna hada kadib gudaha Somalia ayuu kasocondoonaa, intaas kadib ciidamadii huwantu dagaalk cir iyo dhul ah ayay kusoo qaadeen Somalia min nageyle ilaa derirdawe waxayna maalmo gudohood gacanta kudhigeen dhamaan dhulkii Somali galbeed ee markii hore laga xoreeyay waliba mengistu markuu arkay sida soomaalidii loo jabiyay ayuu damcay inuu Somalia oo dhan qabsato si aan mar dambe loo arag Somali duullaan kusoo ah Ethiopia. laakiin boqorkii Iiraan Mohamed Raza bahlawi ayaa u sheegay huwantii in hadii ay kagudbaan xuduuda la aqoonsanyahay ay Iiraan dagaalka gali doonto Somalia u hiillin doonto. Dhinaca kale taageeradii carab laga sugayay waaxay noqotay in ay kasoo barbar dagaalamaan xabashidii sida aan kor kusoo sheegnay mucamar al qadaafi hogaamiyaha libya waxay ciidamadiisu kadaalamaayeen barbarka xabashida, yeman sidoo kale masar iyo sacuudiga ayaga waan soo sheegnay in hadafkoodu ahaa in laisku diro Somalia & Ruushka ciraaq ayaa timir keentay Somalia kor iyo hoos hiil iyo hoo kale carab waa laga gablamay, markii Somalia burburku kudhacay dadkii soomaaliyeed meesha ay xiriir iyo iskaashi karaadiyaan waxay noqotay Ethiopia iyo kuwa meelaha lataagtaagay dalalka walaaleheen ah ee carbeed, waayaabe goormaa Ethiopia noqotay meel laga raadiyo maslaxad somaliyed aaway walaaltinimada carbeed sootan sacuudiga dadkii somaliyed ee islaanimada miciinbiday soo tarxiilaya soo kuwaan maahaa sacuudiga hooyooyin soomaaliyeed oo qaxooti ah xabsiyadooda kudhex umulayaan. kornayl qadaafi waligiis Somalia hub ayuu kusoo daldalayay si somaalidu isugu dhameeyaan tii uugu dambeysay xiligii maxaakimta, maxaakimta hub ayuu siiyay Cabdullahi yusufna wuu siiyay waa wax Somali oo dhan ay ogtahay ma ahan anigu mid aan been abuurayo, dhalinyaradii soomaaliyeed oo dalkiisa aaday xabsiyada ayuu kabuuxshay ayagoo waliba qaar lafara xumeeyay bilo kahor waataan idaacadaha kadhagaysanaynay wiilal lafaraxumeeyay iyo gabdho intii fool kuqabatay xabsi dhexdiis misana markay ilmihii dhaleen xabsiga dib loogu celiyay ayagoo aan maalin joogin ma waxaas baa islaanimo iyo bini aaadanimo ah. Marka waxaad arkaysaa dad soomaaliyeed oo kudoodaya carabtu waa walaaleheen waxaan way diinayaa aaway walaaltinimadu waa kuwaas dadkeenni saas u ciqaabayee midda kale ninka soomaaliga ah oo manta carab wax kasugaya carabi waxa ay kuu qabanayso adigoo ay kuuyaqaanaan adoon madow oo waliba ayaga tuugsada waxay kuu qabanayaan maa falastiin uqabtaan oo u hiilliyaan. Marka anigu waxaan leeyahay dambi kaweyn oo uu siyaad barre soomaali kagalay majirin daritaankii jaamacada carabta waxaan hubaa in dad badan oo maqaalkaan akhirindoona hadii ilaahay idmo ay ileeyihiin waa nin waalan dadkaaas waxaan waydiinayaa yaa iisheegi kara wax aan dhibta iyo khiyaamadaas aan soo sheegnay ahayn oo jaamacada carabta lagafaaiday sodon iyo dhowr sano ayaan xubin kannahay xoghaye guud oo ay leedahay Somalia cag masoo dhigin marka waa inaan garanaa cadawgeenna sida aan itoobiya uugu aqoonsanahay cadaw soomaaliyeed waa inaan ugaanaa inaan cadow kale leenahay maxaayeelay markaad cadawgaa ogaatid ayaad maslaxadaada raadin kartaa waatii murti ay ahayd Baadida ninbaa kula doondoonayoo daalna kaabadane Hadana inaad hesho aan doonayn daa'in abidkaaye… Marka hiilka iyo wax qabadka carab 40 sano laga waayay ee maanta laga raadinayo waa mid aan garan waayay. hada manta soomaali oo dhan way ogtahay in itoobiyaanku yihiin cadowga soomaalida inta yar ee maanta lasocotana insha allaahu mardhow way ogaandoonaan markuu ayaga dib ugu soojeesto. marka dhibaatada Somalia haysataa tan koowaad waa qabyaalada tan labaadna waa soomaalida oo aan aqoon saaxiibadooda dibada iyo halka dantoodu kujirto maxaayeelay ninka madaxda ah waxaa laga rabaa inuu yaqaan meesha danta shacabkiisu kujirto Tusaale ahaan Suriya waxay saaxiib lanoqotay Iiraan oo ah wadan aan carab ahayn carabta xiriir wanaagsan kalama dhexeeyo, masar markii in badan dagaal kula jireen yahuuda carabna aysan wax hiil ah kahelin waa laogyahay sida uu yeelay Anwar al saadaat. WQ cali muxamed diini ( cali dhuux) Perth Australia. Email calidhuux20@hotmail.com
Aden121@yahoo.com
Jowhar traders committee chairman quits his title after squabble (Read more) SMC-14-May-2008 The Ethiopian troops should first pullout from Somalia (Read more) SMC-14-May-2008 People died in crossfire at Kismayu town in the Juba region (Read more) SMC-14-May-2008 Ethiopian troops in military maneuvers in Baladweyn town (Read more) SMC-13-May-2008 50 diarrhea patients admitted at Bandir general hospital (Read more) SMC-13-May-2008 Bakara Market community appealed the TFG government (Read more) SMC-12-May-2008 One person died in clan Vendetta grounds in the middle Shabelle region in Somalia (Read more) SMC-12-May-2008 Illegal roadblocks intensively increasing in Kismayu Town (Read more) SMC-12-May-2008 Baladweyn residents show concern over the Ethiopian troops (Read more) SMC-12-May-2008 The spring rains observed in Galgadud region in central Somalia (Read more) SMC-11-May-2008 The commander of the lower Shabelle region says they would confront (Read more) SMC-11-May-2008 Ethiopian troops entered inside Baladweyn town in central Somalia overnight (Read more) SMC-11-May-2008 Mohamed Hassan Haad: says, “We don’t think much would be achieved” (Read more) SMC-11-May-2008 A court Jude resigns in Hiran region in central Somalia (Read more) SMC-11-May-2008 The place where deadly combat occurred yesterday is tranquil today (Read more) SMC-10-May-2008 Severe drought in some parts of Bakool region in southern Somalia (Read more) SMC-10-May-2008
Somaliweyn Media Center (SMC)  |
|
||||||||||||||
