| Somali News | |||||||||||||||
Waxaa wax lagu farxa ah warkaan ka soo yeeray Melez Zanaawi laakiin waxaa isweydiin mudan maxaa ku soo beegay xeligaan? mise runaa in ula jeedada ugu weyn ee Ciidankiisa qabsaday Soomaliya dib uga saarayo arin ku saabsan Dhaqaalaha ? mise waxaa jira ula jeedooyin u qarsoon oo ku qasbay inuu ka baxo Dalka Soomaliya ? Waa war aad u farxad badan marka laga eego dhinaca ah in cadwgii uu qirtay in ay heestaan Culeesyo sida mid dhaqaale iyo inuu waayay taageeradii siyaasadeen ee uu ka filaayay wadamada reer Galbeedka,laakiin waxaa isweydiin mudan maxaa kusoo beegay xiligaan ayadoo la ogaa in horeyba Ciidanka itoobiya uu u hestay Culees dhaqaale kuna adkeysan jirtay in aysan marna ka baxeynin Soomaliya ilaa Dowlada ay taageerto Cagaheed isaga taagto? Waxaa lagu macneyn karaa in sababta ugu weyn ee keentay in Melez ku dhawaaqo inuu Dalka Soomaliya Ciidankiisa dib ugala baxaayo arimo badan oo isbiirsaday, qaarkoodna uu waxaa dhici karta dan kale inuu ka lee yahay oo siyaasadeed waxaana arimahaas ka mid ah: 1- sida warkiisa ka muuqata in uu saaran yahay cadaadis siyaasadeed uuna waayay taageeradii siyaasadeed oo uu ka filaayay wadamada reer galbeedka gaar ahaan mareykanka oo ka mashquulay arimihii dibada ama arimihii ku saabsanaa Afrika laba arimood daraadood. A- Mareykanka waxaa ka jira loolan xaga siyaasada oo labada xizbi ee ugu waaweyn wadankaas ugu jiraan madaxnimada dalkaas cidii majarahau qaban laheyd taasoo ay muuqata in culees weyn uu saaran yahay Xisbiga Jamhuuriga ee hada ka taliya Mareykanka oo ah Xizbi ku caan baxay hurinta dagaalada hadey ahaan laheyd inuu weraro bareer ah ku qaado wadamo xor ahaa, ama inuu taageero Dowlado gaar ah si uu ugu fushada qorshayaashiisa Dagaal B-Waxaa muuqata Mareykanka in uu saaran yahay Culees weyn oo uusan maleysaney oo kaga yimid dhanka wadanka Ruushka oo ay muuqato inuu dib u bilaawday tartankii u dhaxeeyay Naato iyo Waarso oo loo yaqaanay Dagaalkii Qaboobaa, taasoo Mareykanka ku keentay inuu Xisaabaadkiisii wax ka badalo maxaa yeelay Rauushaka ma aha Dowlad la dhayansan karo. marka Itoobiya waxaa muuqata tiirkii ay Cuskaneed in ay weysday labadaas arin dartood. 2- Arinta labaad ee ka muuqatay hadalkiisa waa in uu saaran yahay Culees siyaasadeed kaasoo laga yaabo in aysan Dadka qaar isweydiin maxaa keenay ? halkuuse kaga yimid? Hadii aan bal arintaas faahfaahiyo waxaa muuqata inuu Culeeska siyaasadeed kaga yimid Dhaqdhaaaqyadii nabadoonka ahaa ee ay sameeyeen Isbaheysiga uu horjoogaha u yahay Sh Shariif Sh Axmad maadaama ay dhinacooda muujiyeen in ay yihiin nabad doono dagaalka ay ku jiraana uu yahay mid Itoobiya soo galitaankeedii sababay ee aysan hada diyaar u aheyn dagaal weyn ee ay ka huriyaan Geeska Afrika oo idil sida ay ku andacooto Itoobiya oo ku magac raadsaneysay in aysan nabad marna ogoleyn Islaamiyiinta Soomaaliya taasoo keentay in markii hore taageero ku hesho ayadoo sheegi jirtay in ay yihiin Qatar cad oo Caalamka oo dhan kusoo fool leh. 3-Waxaa kaloo jira Culees weyn inuu ka heesto Duulaamada joogtada ah ee Ciidankooda kaga yimaad dhanka Muqaawamada kaasoo u diiday fursad ay ku socsocoto ama isugu gurmato ama ay ku taageerto Doowlada Embigati, maxaa yeelay waxaa Ciidamadeeda joga Soomaaliya meelo ka mid ah ka soo bixi waayeen Dhufeesyada si ay lafahooda u ilaashtaan taasoo xataa ay ku badbaadi la'ayihiin. 4-Waxaa kaloo jiri kara siyaasado qarsoon oo ay damacsan tahay Itoobiya sida:- A-in ay ku dooneyso hadalkan ka soo yeeray Melez in ay ku hesho taageeradii Dhaqaale iyo kii siyaasadeed ee ka go'naa mudooyinkii lasoo dhaafay ayada oo u tuseysa in ay ka bixi karto Soomaliya amaba ka bixi doonto hadii aan dalabaadkeeda loo yeelin, taasoo laga yaabo wadamada qaar in ay Maslaxad u arkaan Itoobiya in ay mudan tahay in loo jilco lana taageero maadaama la aaminsan yahay in ay hortaagan tahay in Dalka Soomaliya dib gacanta ugu dhigi doonaan Maxaakiimtii taagerada badan ka heysan jirtay shacaka Soomaaliyeed. B-Waxaa kaloo dhici karta marka la eego xiliga uu kusoo beegmay hadalkaan oo ah xili ay muuqato inuu qilaaf ku kala dhex jiro Muqaawamada madaxdeeda iyo garabyada muqaawamada sida warnaahinta laga dhageestay gaar ahaan qabsashadii Kismaanyo ka dib,oo waxaa dhci karta in ay aaminsan tahay inuu uu qarxi doono Dagaal weyn oo dhex mari doono kooxaha Muqaawamada taasoo ay ku faraxsanaan laheyd Itoobiya hadii ay dhici karto taasna ay kaga filan tahay in ay dhiig Ciidamadeeda ah ku daato gudaha Soomaliya ayadoo loo fulinaaya siyaasadeedii aheyd in marna Soomaliya ka dhismin Dowlad leesku raacsan yahay oo awood leh, taasoo ay Itoobiya aaminsan tahay in ay qatar ku tahay Amniga wadankeeda iyo in ay keeni karto in ay Itoobiya kala go'idoonto qeybo fara badan. Hadaba Maxaa nala gudboon? 1-Waxaa laga maarmaan ah in aan arintaan ugu faraxno si taxadir leh ogaanana in ay suuragal tahay in ay dhaboowdo, islamarkaana ka digtoonaanaa wax walba oo Itoobiya Siyaasada u fulinaya Siyaasadeeda ah in aysan Soomaliya marna Dagin sida in kooxaha Muqaawamada tartan u galaan kala qabsiga Gobolada iyo Ilaha dhaqaale, taasoo keeni karta in ay isu gacan qaadaan. 2-Waa in si dagdag u wada shiraan Madaxa Muqaawamada Gudaha iyo Dibada gaar ahaan kuwa kala fadhiya Jabuuti iyo Asmara kana wada hadlaan hadii ay dhacdo arintaas in ay dhaboowdo sidee lagu badbaadin karaa diinta Dadka iyo Dalka soomliya, hadii kale oo aanan leesu tanaazulin Danta guudna laga wada tashan waxaa dhici doonta in Muaqaawamada ku dhacdo Dabinka siyaasadeed ee loo maleegayo, waayo marka laga hadlaayo Danta guud waxaan maanta aragnaa Hellary in ay u tanaazuleyso Danta Xizbigeeda waloow uu qilaaf iyo tartan shaqsi ahba dhex maray kana dhaxeeyo ayada iyo Obama oo kaga Guuleestay Musharaxnimada Xizbogooda. Hadaba waxaa dhihi lahaa Culimada Soomaliyeed ee xoogaa ku kala tagay fekerka iyo ijtihaadka haka garaad liidanina Naagta u tanazushay Xizbi aanan Diin gaar ah isu keenin ee kaliya ka mideysan Siyaasada qaar, halka idinka Culimada ah aad ku mideysan tihiin wax badan oo aysan ku mudeysneyn umadaha Caalamka ku nool. hadii aadan saas yeelinana waxaa hubaal ah ASduunyada waxaad galeysaan Taariiqaha la qoro baalka Madoow, maalinta Qiyaamana waxaad qaadi doontaan fidnada ka dhalata Masuuliyadeeda maxaa yeelay maanta wax dhowran ama dhaqan ma jiraan hadii ay ahaan laheyd Diin Dal iyo Dadba waxaa dhalin yaradii Soomali rag iyo Dumarba dabin u galeen Shahwadooda iyo Naftooda waxa ayna ku jiraan Kalaabyada habeenada Axadaha lagu tunto e Qamriga iyo Zinada lagu isticmaalo, dhanka kalana waxaa ay ku daadaataan Badaha Caalamka ayaga oo nolo doon ah, waxaa kaloo jira in Boqolaal Soomaliya ey ka buuxaan Xabsiyo wadamo ku yaal Afrika ayagoo ku nool nolol ayasn eeyaha Afrika joogaa ku nooleyn waxaana kula wada dhacay xabsiyada dhexdooda Tiibishi iyoMaleeriyo oo aan wax daawo ah laga siin ilaa Todobaad walbaaba qaar ka mid ah Maxaabiistaas ku geeriyoodaan xabsiyadaas. Gabagabadii waxaa looga fadhiyaa Culimada soomaliyeed laba uun mid in ay noqdaan kuwa danahooda gaarka iyo kooxohooda gaarka kala weyn yihiin Diinta Dalka iyo Dadka Soomaali ayagoo buunbuuninaya Qilaafaadka xaga fekerka ah ee u dhaxeeya una dhaqmaaya sidii Firaqdii Ahlu Bidcaha sida Qawaarijta oo hadba gaaleysiiya cidii fekerka isku qilaafaan iyo in ay wax walba ka hormariyaan Danta guud oo ah in la ilaaliyo waxyaabihii asal ahaanba illaah(cw) usoo dajiyay Shareecada Isklaamka Sida Diinta Nafta Sharafta Nasabka iyo Caqliga Muislimka Waxaa diyaariyay Asad Cali Axmad asadcnx@hotmail.com
Jowhar traders committee chairman quits his title after squabble (Read more) SMC-14-May-2008 The Ethiopian troops should first pullout from Somalia (Read more) SMC-14-May-2008 People died in crossfire at Kismayu town in the Juba region (Read more) SMC-14-May-2008 Ethiopian troops in military maneuvers in Baladweyn town (Read more) SMC-13-May-2008 50 diarrhea patients admitted at Bandir general hospital (Read more) SMC-13-May-2008 Bakara Market community appealed the TFG government (Read more) SMC-12-May-2008 One person died in clan Vendetta grounds in the middle Shabelle region in Somalia (Read more) SMC-12-May-2008 Illegal roadblocks intensively increasing in Kismayu Town (Read more) SMC-12-May-2008 Baladweyn residents show concern over the Ethiopian troops (Read more) SMC-12-May-2008 The spring rains observed in Galgadud region in central Somalia (Read more) SMC-11-May-2008 The commander of the lower Shabelle region says they would confront (Read more) SMC-11-May-2008 Ethiopian troops entered inside Baladweyn town in central Somalia overnight (Read more) SMC-11-May-2008 Mohamed Hassan Haad: says, “We don’t think much would be achieved” (Read more) SMC-11-May-2008 A court Jude resigns in Hiran region in central Somalia (Read more) SMC-11-May-2008 The place where deadly combat occurred yesterday is tranquil today (Read more) SMC-10-May-2008 Severe drought in some parts of Bakool region in southern Somalia (Read more) SMC-10-May-2008
Somaliweyn Media Center (SMC)  |
|
||||||||||||||
