Warbixin(report) xaalada Somaliland

Hordhac:-

Qoraaladan waxaan ka soo dul xaadiyey warbixin dheer oo aan ka diyaariyey mudadii u dhaxaysay 3 April ilaa 28 May 2008 ,xilligaas oo aan ku sugnaa dalka hooyo ee Somaliland. Mudadaas kooban waxaa ii suurto gashay in aan booqdo Hargeysa- Burco -Berbera iyo Gabilay,gobolada kalena waxaa qaarkood kula xidhiidhay khadka Telefoonka.

Warbixintani waa sheegid khadaadka jira ee cid waliba ku lug leedahay, xalintooduna inna wada sugayso,waa talo soo jeedin,waa badbaadin dalkeena iyo dadkeena, waa sixid wixii inaga khaldan,waa maahmaahdii soomaaliyeed ee ahayd" BELO MADAX LA QABTO AYEY LEEDAHAY EE MINJO LA QABTO MA LAHA"!!!

Ma garanayo meel aan ka bilaabo amase cinwaanka aan ugu horeysiiyo qoraaladan taxanaha ah,sababtoo ah meeshaad eegtaba waxaa ka jira dhaliil baaxad leh oo u baahan wax ka qabasho deg deg ah .

Nabada:-Warbixintani waxaan ku eegaynaa NABADA ka jirta dalka, waxaynu kaloo ku eegaynaa erayga "NABADA KHAL-KHAL HA GELIN AMASE HEBEL NABADUU KHAL KHAL GELINAYAA" earaygan oo ah mid inta badan dhegahaaga ku soo dhacaya marka aad dalka joogto,balse macnaha erayga iyo ujeedada loo isticmaalaa ay kala duwan yihiin ?

Ictiraafka:-Ictiraafku aad ayuu inooga raagay, waa maxay sababaha keenay in aynu 18 sano CITIRAAF raadin?,sidoo kale waxaan talo iyo tusaale kaga bixin doonaa sida lagu heli karo aqoonsi Somaliland hesho,waa haddii la dhegaysanayo.

Dabka ka baxaya Geeska Afrika:- Waxaa jira dab kulul oo ka baxaya guud ahaanba Geeska Afrika,balse suaasha muhiimka ahi waxay tahay Somaliland maxay qorshe ka leedahay dabkaa ka baxaya derisyadeena ? mase laga yaabaa in uu inagu soo fido ?

Golaha Baarlamaanka:-Mudo dheer ayaa ka soo wareegtay markii aynu soo dooranay Golaha Baarlamaanka ee maanta jira ,oo ah kii aynu wada ogeyn Doorashadiisa wixii dhib inaga gaadhay balse noqon waayey mid kaalintii laga sugayey buuxin kari waayey ,shaqadiisuna noqotay "KU JIQSII" ,sidoo kale Dastuurka dalku lahaa waa wada qabyo,maxaa sabab u ah?

Golaha Wasiirada:-Waxa sidoo kale aynu eegi doonaa Golaha Wasiirada oo la odhan karo waxaa hadheeyey musuq maasuq xadkii dhaafay,Wasiiro beelo ku fadhiya , xisaabtan la,aanta iyo Dowlada oo la odhan karo waxa ay ka baaqsatay wax badan oo ay qaban karaysay .

Waxaan faahfaahin dheerada idinka siin doonaa Wasaaradaha,oo u qaybsama 3 qaybood oo kala ah qaar la amaano sida Qorsheynta - Duulista Hawada ,qaar ku guul daraystay howshii ay Ummadda u hayeen sida Caafimaadka -Waxbarashada-Warfaafinta iyo qaar ay adag tahayba in fahanto waxa ay qabtaan sida Wasaarada Dib u dejinta-Xidhiidhka Golayaasha-Boosta iyo isgaadhsiinta iwm.

Guddiga Doorashada:-Waxaan eegi doonaa welwelka aan ka qabo Guddiga Doorashooyinka oo aan odhan karo,laguma haleyn karo doorashooyinka iyo Diiwaan gelinta soo socda ,waxaanan ka baqayaa in ay noqdaan kuwo kala saari kari waaya amase ku dhawaaqi kari waaya natiijada kama dambeysta ee Doorashooyinka soo socda..

Cadaalada:-Cadaalada iyo Maxkamadaha,waxaa la odhan karaa ma aha qaar wax iska bedeleen 5ti sano ee igu dambeeyey dhul boobka ,KU QABSO KU QADI MAYSIDE,weli halkiisii ayuu ka sii socdaa.

Gobolada:-Waxaan aad iyo aad ula yaabay burburka ka muuqda Gobaladii hore u jiray , kuwa cusub ee soo kordhay iyo sida loogu qasaaray Doorashooyinkii Deegaanka,mana garanayo dhib mooyee waxay dheef ah oo ay soo kordhiyeen

Sixir bararka-Abaarta - Biyo la,aanta iyo shaqo la,aanta:_Waxaa xiligan ka jira Somaliland SIXIR BARARKA-ABAARTA -BIYO LA,AANTA baahsan ,waxaase layaab ah sida aanu jirin wax qorshe amase ku talo gal ahi Dowlad iyo shicib-ba..

Xidhxidhista soo badatay:- Sidaa lala wada socdo waxaa soo badanaya xidhxidhista muwaadiniinta Somaliland taasoo marka dhinac laga reego ah "calaamad khatar ah" oo aynu hore u soo aragnay, waayo aragnimona aynu u leenahay ,warbixintan aynu ku eegi doonaa.

Banaan baxyada :-Waxaa Hargeysa ka dhacay BANAAN BAXYO keenay dhimash iyo dhawac,waxaana ka mid kuwii dhacay , 28 April.2008 iyo 7 July.2008 ,waxaynu is weydiindoonaa suaalaha ah ,maxay u dhaceen?, maxaa laga qabtay ? yaa loo raacayaa qasaarihii naf iyo maalba lahaa ?,ma laga yaabaa in qaar kale dhacaan ?

Qabyaalada:-Tv-yada .Jaraaidka, Xisbiyada ,Dowlada iyo guud ahaan shacabkaba waxaa si weyn uga muuqata isticmaalka iyo dhaqanka QABYAALADA, oo la odhan karo waxay halis gelin kartaa jiritaanka Somaliland "reer hebel baa shiray"reer hebel baa diiday" iyo hadaanu reer hebel nahay"

Ganacsatada:Waxaa marag ma doonto ah in GANACSADA dalka joogtaa ay yihiin qaar aan wax dan ah ka lehayn shacabka balse caado ka dhigtay sidii ay u dhiig miiran lahaayeen shacabka masaakiinta ah iyo weliba sidii ay ula baxsan lahaayeen cashuurtii Dowlada.

UN iyo NGO-kale:-Warbixintani waxay sawir idinka siin doontaa shaqada ay qabtaan HAYAHA UN-ta iyo NGO - gaar ahaan sida ay u dhacaan,baabiyaan dalka ee aanay u jirin cid la xisaabtantaa.

Af-miinshaarinta:Waxaan ku eegi doonaa 100 AF-MIINSHAAR ee hoos fadhiista Geedaha qaar ka mid ah Hotel-da Hargeysa ku yaala ,ee inta badan ku howlan sidii ay u kala fogeyn lahaayeen shacabka walaalaha ee reer Somaliland iyo cida ay u shaqeeyaan.

Qurba-Jooga:Waxaynu ku eegi doonaa QURBA jooga reer Somaliland iyo wixii ay dalka iyo dadka ku soo siyaadiyeen Siyaasad, dhaqan iyo dhaqaale intaba .

SaxaafadaDhinaca SAXAAFADA Somaliland waxaa jira isbedel ka muuqda dhinaca tirade , balse weli waxaan meesha ka bixin tayo xumadii awelba haysatay Tv-yada,Jaraaidka iyo Radio Hargeysa.

Qaadka iyo Sigaarka:- Somaliland waxa dhaqaale ahaan la daadegay QAADKA iyo SIGAARKA oo runtii la odhan karo waxay dalka dibada uga saaraan lacag adag oo aad iyo aad u fara badan,sidoo kale wxay sanad walba galaaftaan dad aad u fara badan,waxarbixintan ayaan ku sii faahfaahin doonaa.

Akhrista intii aan joogay dalka hooyo ee Somaliland arimahaas iyo weliba qaar kale oo badani waxay ka mid yihiin waxyaabihii aan aad u daneynay in aan wax ka ogaado, anigoo si joogto ahna idiinku soo gudbin doona.

Hadal iyo dhamaan lama qaban wax badan oo la qaban kari lahaa ee maxaa loo qaban waayey,waa suaal inoo wada taala ?

Mahadsanidin

--la soco qaybaha dambe ---

Abdi M.Saleiman(Mingiste)
abdi_saleiman@hotmail.com

Jowhar traders committee chairman quits his title after squabble (Read more) SMC-14-May-2008

The Ethiopian troops should first pullout from Somalia (Read more) SMC-14-May-2008

People died in crossfire at Kismayu town in the Juba region (Read more) SMC-14-May-2008

Ethiopian troops in military maneuvers in Baladweyn town (Read more) SMC-13-May-2008

50 diarrhea patients admitted at Bandir general hospital (Read more) SMC-13-May-2008

Bakara Market community appealed the TFG government (Read more) SMC-12-May-2008

One person died in clan Vendetta grounds in the middle Shabelle region in Somalia (Read more) SMC-12-May-2008

Illegal roadblocks intensively increasing in Kismayu Town (Read more) SMC-12-May-2008

Baladweyn residents show concern over the Ethiopian troops (Read more) SMC-12-May-2008

The spring rains observed in Galgadud region in central Somalia (Read more) SMC-11-May-2008

The commander of the lower Shabelle region says they would confront (Read more) SMC-11-May-2008

Ethiopian troops entered inside Baladweyn town in central Somalia overnight (Read more) SMC-11-May-2008

Mohamed Hassan Haad: says, “We don’t think much would be achieved” (Read more) SMC-11-May-2008

A court Jude resigns in Hiran region in central Somalia (Read more) SMC-11-May-2008

The place where deadly combat occurred yesterday is tranquil today (Read more) SMC-10-May-2008

Severe drought in some parts of Bakool region in southern Somalia (Read more) SMC-10-May-2008

Somaliweyn Media Center (SMC)
Muqdisho Somalia

	Web You Domainame