Mombasa, Sabti, Juun 29 2008 SMC“         

Waxaa xalayto lagu qabtey  AGA KHAN DIAMOND JUBILLEE HALL ee magaalada Mombasa xaflad aad loo soo agaasimey oo lagu furayey bankigii ugu horeeyey ee laga hirgeliyo Mombasa  kuna shaqeeya hanaanka Diinta Islaamka looguna magac daray  First Community Bank (FCB).

Xafladda furitaanka bankigaan ayaa ka soo qeyb galey madax ka kala socotey  dowladda ee uu h or kacayey xildhibaanka laga soo doortey  magaalada Mombasa gaar ahaan degmada Mvita ahna Waziirka Dalxiiska Kenya Mudane Najib Balala, Guddiga Culumada Islaamka Kenya, Guddiga Imaamyada Mombasa, Ganacsato iyo xubno kale oo metelayey ururada bulshada.

Aayado Qur’aan ah ka dib ayaa Guddoomiyaha First Community Bank Mudane Xasan Varvani  ka warbixiyey  gundhiga iyo aasaasidda bankigaan iyo talaabooyinkii ay u soo qaadeen taabagalkiisa.

Mudane Nadiif Jaamac Aadan oo ah agaasimaha guud ee First Community Bank horeyna ugu soo shaqeeyey Bankiga dhexe ee Kenya , Bankiga Al-Rajhi (Saudi  Arabia), Qatar Islamic Bank (Qatar),Ex-Sharjah National Bank (Sharjah  Islamic Bank-Isutagga Imaaraatka Carabta ) ayaa aad ugu nuuxnuuxsadey habka uu ku shaqeyn doono bankigaan   iyo weliba ahmiyadda  uu u yeelan karo bulshada ku dhaqan Mombasa,  Mudane Nadiif oo sheegey inaanu hawshooda bangiyeynta ku ekeyn Mombasa keliya balse ay hore ugu sii socdaan Degmooyinka kale sida Malindi, Lamu iyo Garissa iyo dhamaanba gobolada dalkan Kenya, Mudane Nadiif ayaa intaa raaciyey in nadaamka uu bankigaan ku shaqeyn doono ee ku salaysan shareecada Islaamka  aanu ahayn mid ku cusub dunida oo ay jiraan Bunuukyo badan oo laga hirgeliyey qaaradan afrika sida : Masar, Sudan, Aljeeriya, Nayjeeriya, Muritaaniya,Senegal, Gaambiya, South Afrika IWM, halka kuwa kalena laga hirgeliyey buu yiri dunida qaarkeed  oo ay ka mid yihiin wadamada  Ingiriiska, Mareykanka, Singapore ,Hongkong IWM.

Sheekh Badru Jacfar baa  qirey  in First Community Bank uu noqon doono  bankiga keliya ee ay u aayaan dhamaan macaamiishiisa ,waayo wuxuu yiri sheikh Badru bankigaan waa mid  ku dhaqmaya sida ay waafaqsan tahay shareecadeena Islaamka.

Ka soo qeyb galayaasha xaflada furitaanka bankigaan oo ay ka mid ahayd agaasimadda qeybta bangiyeynta ee Bankiga Dhexe kenya Marwo Rose Detho ayaa cadeysey inuu Bankiga Dhexe  ee Kenya ansixiyey furitaanka First Community Bank laantiisa Mombasa ,kaasoo la mid ah bay tiri kuwii ay horey loogu   ogolaatey furitaankooda ee ku kala yaala Wanbera Street  iyo xaafadda ay sida aadka ah u degan yihiin soomaalida  laguna magacaabo Islii  ee caasimada  Nairobi

Waxaa isna halkaa ka hadlay Xildhibaanka Magacaaban ,ahna xoghayaha guud  ee guddiga Imaamyada mombasa  Mudane Sheekh Maxamed Dor  oo sheegey inay aad ugu faraxsan yihiin furitaanka bankigaan  oo door weyn ka qaadan kara ku dhaqanka shareecada Islaamka,,Intaa ka dib sheekhu wuxuu Microphonka ku soo dhoweeyey Waziirka Dalxiiska dalkan Kenya  xildhibaan Najib Balala ,,hadaladii uu waziirku halkaa ka yiri waxaa ka mid ahaa :Salaan ka dib  waxaan aad ugu faraxsanahay inaan idiin kala qeyb qaato xafladaan quruxda badan dhinac weliba haddii ay noqon lahayd xag caqiiddo iyo xag horumarineedba waadna ku mahadsan tihiin  sidaad iigu maamuusteen inaan xariga idiin kaga jaro,waxaanna ALLAH subxaana watacaalaa ugu mahadcelinayaa siduu reer mombasa ugu soo biiriyey Iftiinka xaqqa iyo waafajinta tubta toosan , waana mid qiimo weyn ugu fadhiya dhamaanba dadweynaha gobolkan,,First Community Bank waxay u horseedey shacabkeenan gobolka xeebta ku nool oo ay xadaaradoodu aad u fog tahay laguna yaqaano ganacsiga kuna xeel dheer Beec mushtariga inay helaan meel ama banki xeerarkiisa iyo habkiisuba ku saleysan yihiin shareecada diinteena Isalaamka,taasoo u ah badbaado aduun iyo tu aakhiraba ,waxaanse ka rajeeynayaa madaxda iyo shaqaalaha First Community Bank inay dardar geliyaan hawlaha ay u qabanayaan macaamiishooda ,sarena u qaadaan tayadooda  iyo hab la dhaqanka  macaamiishaba.

Casho sharaftii loogu tala galay ka soo qeyb galayaasha ka dib  waxaa halkaa hadiyado qiimo leh oo ay soo diyaariyeen First Community Bank lagu gudoonsiyey madaxdii ka soo qeyb gashay  iyo marti sharaftii lagu casuumey  furitaanka xaflada.

Abdulkadir Jeylani_Mombasa

Somaliweyn Media Center “SMC”

Jowhar traders committee chairman quits his title after squabble (Read more) SMC-14-May-2008

The Ethiopian troops should first pullout from Somalia (Read more) SMC-14-May-2008

People died in crossfire at Kismayu town in the Juba region (Read more) SMC-14-May-2008

Ethiopian troops in military maneuvers in Baladweyn town (Read more) SMC-13-May-2008

50 diarrhea patients admitted at Bandir general hospital (Read more) SMC-13-May-2008

Bakara Market community appealed the TFG government (Read more) SMC-12-May-2008

One person died in clan Vendetta grounds in the middle Shabelle region in Somalia (Read more) SMC-12-May-2008

Illegal roadblocks intensively increasing in Kismayu Town (Read more) SMC-12-May-2008

Baladweyn residents show concern over the Ethiopian troops (Read more) SMC-12-May-2008

The spring rains observed in Galgadud region in central Somalia (Read more) SMC-11-May-2008

The commander of the lower Shabelle region says they would confront (Read more) SMC-11-May-2008

Ethiopian troops entered inside Baladweyn town in central Somalia overnight (Read more) SMC-11-May-2008

Mohamed Hassan Haad: says, “We don’t think much would be achieved” (Read more) SMC-11-May-2008

A court Jude resigns in Hiran region in central Somalia (Read more) SMC-11-May-2008

The place where deadly combat occurred yesterday is tranquil today (Read more) SMC-10-May-2008

Severe drought in some parts of Bakool region in southern Somalia (Read more) SMC-10-May-2008

Somaliweyn Media Center (SMC)
Muqdisho Somalia

	Web You Domainame