Somali News
    Hees  

SSE oo cambaaraysay dadkii lagu dilay mudaharaadadii Hargeysa ka dhacay

Mogadishu Axad 9 December 2012 SMC


Naga soo wac halkan (Skype)
Skype Me™!


SSE oo cambaaraysay dadkii lagu dilay mudaharaadadii Hargeysa ka dhacay

Dallada SSE oo ay ku bahoobeen  Jahliyadaha ama ururada Somaliland ee Yurub waxay  ugu horayn hambalyaynayaynaysaa  shacbiwaynaha Somaliland  sidii qiimaha lahayd ee ay  ugu soo baxeen doorashooyinkii golaha degaanka ee dalka ka qabsoomay 28.Nov.2012 ka, iyaga oo saacado badan qoraxda u taagnaa sidii ay xisbiga iyo shakhsiga ay rabaan codkooda ugu dooran lahaayeen.

SSE Waxa ay cambaaraynaysaa  Falkii arxan darada ahaa ee 06 iyo 07. Dec.2012 ka  dadka shacbiga ah  iyaga oo mudaharaad  ku muujinaya  cabashadooda  xabada  nool loo adeegsaday.

Waxaan xukumada kula taalinaynaa in ay ka waantowdo adeegsiga  rasaasta, maadaama oo aanay dhacdadani ahayn tii ugu horaysay ee dad shacbi ah oo mudaharaadaya xabad lala dhaco.

(Waa in laga hawl galo sidii booliiska loogu helilahaa qalabka rabshadaha lagaga hortago si).
 Sidoo kale  waxaanu u soo jeedinaynaa cid kasta  cabasho qabtaa in ay  u marto nidaamka sharci ee aynu dhiganay.

Waxaanu ka codsanaynaa in gudi loo saaro sababta keentay dhimashada iyo dhawaaca intaas leeg iyo sidiin aanay  musaqbalka  tan oo kale u dhici lahayn.

Waxaanu  guud ahaanba shacbiga  Somaliland gaar ahaan  qaraabadoodii ka tacsiyaynayaa, dadkii ay dhibaatadu ka soo gaadhay dhacdadaas naxdinta leh.

SSE  Waxa ay guud ahaanba shacbiga Soomaaliland gaar ahaan Gudiga doorashooyinka , xukuumada iyo Ururada cabanayaba  ugu baaqaysaa in si wada jir ah nabadgalyada loo ilaaliyo.
Wixii cabasho ahna  la isa soo hor fadhiisto  oo la iska qanciyo.

(Waa in caqligu shaqeeyaa ee aanay cududu shaqayn)

Tubtaas  oo ah ta ay Somaliland halkan ku soo gaadhay, isla markaasina xudunta u ah  wadajirta iyo dhawrida qaranimada aynu maanta hadhsanayno.

Alle ayaa mahad leh,
Guddigaa fulinta

Ururka SSE waa dallad ay ku bahoobeen ururadda reer Somaliland ee waddamada Yurub. Waa dallad dhexdhexaad ah oo aan dhinacna raacsanayn.

Web Updating, Somaliweyn Website
contact@somaliweyn.com  
www.somaliweyn.com 

   
 
 
Naga soo wac halkan (Skype)
Skype Me™!

Somaliweyn Media Center (SMC)

Somaliweyn Media Center (SMC)