Somali News
    Hees  

Wafdigii uu Hogaaminaayay madaxweynaha oo dalka dib ugu soo laabtay.

Mogadishu Sabti 8 December 2012 SMC


Naga soo wac halkan (Skype)
Skype Me™!


Wafdigii uu Hogaaminaayay madaxweynaha oo dalka dib ugu soo laabtay.

Madaxweynaha jamhuuriyada federaalka Soomaaliya Xasan Sheekh Maxamuud oo saddexdi maalmood ee la soo dhaafay booqasho ku joogay dalka Turkiga ayaa dib ugu soo laabtay magaalad Muqdisho ee caasimada dalka Soomaaliya.

Garoonka Aadan Cadde, ayaa si weyn loogu soo dhaweeyay madaxweynaha waxaana ka mid ahaa masuuliyiintii soo dhaweysay Gudoomiyaha Baarlamaanka iyo R/wasaaraha xukumada iyo xubno kale oo ka tirsan dowlada.

Soo dhaweynta kadib ayuu madaxweynaha saxaafada kula hadlay gudaha garoonka, waxaana uu ka warbixiyay safarkii uu ku tegay dalka Turkiga iyo kulamadii uu la soo qaatay madaxda dalkaasi.

Waxaa uu sheegay madaxweynaha dalka intii uu joogay Turkiga inuu kulamo la qaatay masuuliyiinta dalkaasi sida madaxweynaha, R/wasaaraha iyo gudoomiyaha Baarlamaanka waxana uu tilmaamay inay ugu muhiimsanaayeen arimaha ay kawada hadleen dhinaca amaanka iyo  sida dowlada Turkiga ay gacan uga geysn karto dibudiska dalka.

Madaxweynaha ayaa tilmaamay in dowlada Turkiga iyo Somalia uu ka dhacxeeyo xiriir dhow,waxaana uu sheegay in dowladda Turkiga ay albaabada u furtay dowladda Soomaaliya ayna diyaar u tahay sidii ay wax waliba uga caawin laheyd.

“Turkiga waxay tusaale u yihiin caalamka, waxayna ballanqaadeen inay Soomaaliya ka caawin doonaaan dhinacayada, ammaanka, dhaqaalaha iyo horumarinta guud ee dalka” ayuu yiri madaxweyne Xasan Sheekh.

Dhinaca kale madaxweynaha ayaa  uga tacsiyeeyay dowlada Kenya qaraxii xalay ka dhacay  afaafkan hore ee masjidka Al-hidaaya,kaasoo uu ku dhaawacmay Xildhibaanka laga soo doorto degmada Kimikinji ee magaalada Nairobi Yuusuf Xasan.

Web Updating, Somaliweyn Website
contact@somaliweyn.com  
www.somaliweyn.com 

   
 
 
Naga soo wac halkan (Skype)
Skype Me™!

Somaliweyn Media Center (SMC)

Somaliweyn Media Center (SMC)