Somali News
    Hees  

Xulka Kubadda Cagta ee Wadanka Eritrea iyo Dhakhtarkoodii oo dalka
Uganda weydiistay Magangalyo Siyaasadeed

Mogadishu jimco 7 December 2012 SMC


Naga soo wac halkan (Skype)
Skype Me™!


Xulka Kubadda Cagta ee Wadanka Eritrea iyo Dhakhtarkoodii oo dalka Uganda weydiistay Magangalyo Siyaasadeed

Xulka kubadda cagta ee Wadanka Eritrea iyo dhakhtarkooda ayaa dowlada Uganda weydiistay magangalyo siyaasadeed , iyagoo sheegay in haddii ay dalkooda ku laabtaan ay ka baqayaan inay xaalad khatar ah soo wajihi karto.

Kooxdan ayaa looga badiyay ciyaarihii dalalka Bariga iyo Bartamaha oo ka dhacay dalka Uganda, iyadoo kooxda oo la doonayay inay dalkooda ku laabtaan ay isaga baxsadeen hoteelkii ay deggenaayeen iyagoo ka baqdin qabay in dib dalkooda loo celiyo.

Xulka kubadda cagta ee dalka Eritrea ayaa niyad-jabay markii looga adkaaday tartannadii ay la galeen xulalkii ka socday Malawi iyo Rwanda ayna barbarro la galeen xulkii ka socday dalka Zanzibar.

Ciyaaryahanada Eritrea ayaa lagu waday in Maalintii Arbacada shalay dib ugu laabtaan dalkooda, balse Axadii ayaa laga waayay hoteelkii ay deggenaayeen, taasoo shaki weyn gelisay xiriirka kubadda cagta ee Bariga iyo Bartamaha Afrika oo kulamadan soo qabanqaabiyay.

Xoghayaha guud ee CECAFA, Nicholas Musonye ayaa ku tilmaamay inay wax aad u wanaagsan tahay in la helay warka ciyaartoydii ka socotay dalka Eritrea. Isagoo intaa ku daray in wax lala yaabo ay tahay in xulalka
Uganda ay caadeystaan inay dhuuntaan marka ay ciyaarahan oo kale ka qaybgalayaan, wuxuuna sheegay inay sidan oo kale dhacday sannadihii 2009 iyo 2010.

Dowlada Eritrea ayaa lagu eedeeyaa cadaadis joogto ah oo uu ku hayo shacabka dalkaas, taasoo loo maleynayo inay keentay in xulka dalkaas ay ka baqaan in si aan wanaagsanayn loola dhaqmo haddii ay ku laabtaan dalkooda.

Web Updating, Somaliweyn Website
contact@somaliweyn.com  
www.somaliweyn.com 

   
 
 
Naga soo wac halkan (Skype)
Skype Me™!

Somaliweyn Media Center (SMC)

Somaliweyn Media Center (SMC)