Laba ka tirsan Wasiirada Cusub oo Baarlamaanka amray in ay horyimaadan

Mogadishu isniin 3 December 2012 SMC

Naga soo wac halkan (Skype)

Laba ka tirsan Wasiirada Cusub oo Baarlamaanka amray in ay horyimaadan

Mudayashaa Baarlamaanka dalkeena Soomaaliya ayaa ku amray wasiirrada gaashaandhigga, C/xakiin Maxamuud Xaaji Fiqi iyo wasiirrka arrimaha dibadda ahna raisalwasaare ku xigeen, Fowziyo Yuusuf Xaaji Aadan si ay u weydiiyaan su'aalo ku saabsan safarro ay dalka dibaddiisa ku tageen.

Maxamed Sheekh Cismaan Guddoomiyaha baarlamaanka Soomaaliya, ayaa sheegay in labada wasiir looga baahan yahay inay illaa lixda bishan ay ku yimaadaan baarlamaanka hortiisa si su'aalo loo weydiiyay.

Mudanayaasha Baarlamaanka dalka ayaa waxay horay ugu yeeray labadan xubnood, iyadoo xilligii loo qabtay uu ku ekenaa shalay oo Axad ahayd, waxaana maanta mar kale loo sameeyay muddo kordhin uu ugu yeerayo baarlamaanka.

Gudoomiye Juwaari ayaa kal horay u sheegay inay la xisaabtami doonaan xukuumadda cusub, iyadoo labadan wasiir ay noqonayaan kuwii ugu horreeyay ee baarlamaanka looga yeero tan iyo markii la ansixiyay golaha wasiirrada bartamihii bishii hore.

Wasiiradan ayaa waxay booqashooyin ku kala tageen, dalalka Jabuuti, Kenya iyo Itoobiya, waxayna sheegeen inay kulammo la qaateen wasiirrada dhiggooda ah ee dalalkaas ayna kala hadleen arrimo ku saabsan sidii loo xoojin lahaa xiriirka iyo iskaashigooda dalalkaas iyo Soomaaliya.

Wadamada ay booqdeen wasiiradan baarlamaanku uu dalbay ayaa waxaa dalkeena ka jooga Ciidamo taageeraya Soomaliya si loo sii kordhiyo baacsiga lagu hayo Malayshiyaadka Alshabaab.

Web Updating, Somaliweyn Website
contact@somaliweyn.com  
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com