Somali News
    Hees  

Ra'iisul Wasaaraha Itoobiya oo sheegay in Kenya ay door wanaagsan ka qaadaneyso maamul u sameynta Gobolada Jubooyinka

Mogadishu Talaado 11 December 2012 SMC


Naga soo wac halkan (Skype)
Skype Me™!


Ra'iisul Wasaaraha Itoobiya oo sheegay in Kenya ay door wanaagsan ka qaadaneyso maamul u sameynta Gobolada Jubooyinka

Hailemariam Desaglend Ra’isul wasaaraha dalka Itoobiya ayaa markii ugu horeysay waxa u ka hadlay sida ay Xukuumaddiisu u aragto maamul u sameynta gobolada dalka Soomaaliya ee dhawaan qaarkood lagala wareegay Xarakada Al-shabaab oo ay ku jiraan gobolada Jubbooyinka iyo Gedo oo uu muran xoogan ka dhashay maamul u sameyntooda.

Ra’isul wasaaraha Itoobiya oo wareysi dhinacyo badan taabanayey siiyey teleefishanka Al-jazeera ayaa sheegay in dhismaha maamul goboleedyo amaba maamul u sameynta goboladii laga qabsaday Al-shabaab ay iska leedahay dowladda Soomaaliya, wuxuuna intaasi ku daray in dowladaha ay ciidamada ka joogaan Soomaaliya looga baahanyahay oo keliya inay dowladda Soomaaliya gacan ku siiyaan sidii ay dowladda u wada-maamuli laheyd gobolada dalka oo ay ku jirto magaalada Muqdisho.

"Maamul u sameynta gobolada Jubbooyinka waxaan kala hadlay markii uu Addis Ababa nagu soo booqday Madaxweynaha Soomaaliya, waxaana u sheegay in maamul u sameynta gobolada ay xaq u leedahay dowladda oo keliya isaguna arrinkaasi wuu ila qaatay, Itoobiya oo ka mid ah dalalka ay ciidamada ka joogaan Soomaaliya awoodooda waxa weeye inay dowladda ka taageerto sidii ay maamulkeeda ugu balaarin laheyd gobolada dalka, ma jirto dowlad dhihi karta annaga ayaa maamul u sameynayna gobolada Soomaaliya xaqna uma laha" ayuu yiri Ra’isul wasaaraha Itoobiya.
 
Hailemariam waxa uu ka hadlayey maamulka Jubbaland ayuu hoosta ka xariiqey inay tahay shaqada dowladda Soomaaliya, isla markaasna uu kala hadlay Madaxweynaha Soomaaliya markii uu safarka ku tagay dalka Itoobiya, iskuna afgarteen sidaasi, wuxuuna intaasi ku daray Ra’isul wasaaraha Itoobiya oo uu sheegay inay wada arkaan in dhammaan beelaha dega Jubbooyinka ay ku jiraan maamulka, waxaana uu meesha ka saaray in Kenya beel gaar ah u wadato maamulkaasi, isagoo xusay iney door fiican ka qaadaneyso maamul u sameynta Jubooyinka.

Web Updating, Somaliweyn Website
contact@somaliweyn.com  
www.somaliweyn.com 

   
 
 
Naga soo wac halkan (Skype)
Skype Me™!

Somaliweyn Media Center (SMC)

Somaliweyn Media Center (SMC)