Madaxweynaha Turkiga oo khadka Telefone ka kula hadlay madaxweyneyaasha Afgaanistan,Iran iyo Togo

Ankara:-Madaxweynaha Turkiga Recep Tayyip Erdogan ayaa taleefanno gooni gooni ah kula hadlay goor dambe oo Arbacadii ah madaxweynayaasha Afgaanistaan, Iiraan iyo Togo, iyagoo mid walba ka wada hadlay arrimaha gobolka iyo xiriirka laba geesoodka ah,Erdogan ayaa u mahadceliyey Madaxweynaha Afghanistan Ashraf Ghani, oo u gudbiyey rabitaankiisa ku aaddan in Turkiga ka soo kabsado dabkii kaymaha ee dhowaan khasaaraha geystay.

Madaxweynaha Turkiga ayaa sheegay in Turkigu uu sii wadi doono inuu garab istaago dadka Afgaanistan ee saaxiibtinimada iyo walaalnimada leh si Afgaanistaan ​​ay u gaarto nabadda iyo xasilloonida ay mudan tahay sida ugu dhaqsaha badan.

Erdogan ayaa sidoo kale khadka telefoneka ugu hambalyeeyay madaxweynaha cusub ee Iiraan Ebrahim Raeisi caleemo saarkiisa wuxuuna sheegay inuu rumeysan yahay in xiriirka ka dhexeeya Turkiga iyo Iraan iyo iskaashiga gobolka uu noqon doono mid sii xoogaysta dhinac walba muddada cusub.

Dhinaca kale madaxweyne Erdogan ayaa taleefan kula hadlay Madaxweynaha Togo Faure Gnassingbe isagoo sheegay in iskaashiga u dhexeeya labada qaran ee dhinaca warshadaha difaaca uu yeelan doono saamayn badan oo kor loogu qaadayo xiriirka labada dhinac.