Shirkadda diyaaradaha ee Itoobiya oo beenisay eedeymo ah in hub ay geysay gobolka Tigray.

Shirkadda diyaaradaha ee Itoobiya ayaa beenisay eedeymo ah in hub ay geysay gobolka ay colaadaha ka taagan yihiin ee Tigray.

Maamulka diyaaradda wuxuu sheegay in markii dib loo furay hawada ay gobolka u daabushay badeecado ganacsi ah oo aasaasi ah oo la gaarsiiyay shacabka.

Waxaa hakad la geliyay duulimaadyadii tagi jiray Tigray xilli dagaalka uu ka socda halkaas.

Hawada ayaa dib loo furay bishii December ee sanadkii hore, waxaana dib loo xiray toddobaayadii lasoo dhaafay markii fallaagada Tigray ay qaadeen dagaal ka dhan ah ciidamada dowladda.

Shirkadda diyaaradaha Itoobiya waxay sheegtay in tan iyo xiritaankii ugu dambeeyay ee hawada gobolka aysan tegin halkaas.

Waxay shirkadda sheegtay in warkan uu kasoo baxay dad doonayo inay dilaan sumcadda shirkadda isla markaana weligeed aysan ku lug lahaan howlo lagu dabuulayo ciidamada dagaalka ku jira.