Taliska Booliiska Soomaaliyeed oo Muqdisho ku soo bandhigay burcad iyo hubkii ay wateen.

Taliska booliiska Soomaaliya ayaa caawa soo bandhigay rag burcad ah iyo hubkii ay wateen, kuwaasi oo laga soo qabtay iyaga oo dhac ka geysanaya degmada Dayniile ee gobolka Banaadir.

Ku-simaha Afhayeenka booliiska Soomaaliya, Gaashaanle Cabdifitaax Aadan Xasan ayaa sheegay in raggaan ay saaka dhexdooda ku dagaalameen isgoyska Ex-Kontrool Afgooye, ka dib khilaaf soo kala dhex-galay.

Sidoo kale Gaashaan Cabdifitaax ayaa sheegay in raggaan tiradoodu tahay 9 ruux oo saddex dhaawac tahay, ay ciidamada booliiska ka soo qabteen goob ay isugu tageen.

Gaashaanle Cabdifitaax, ayaa tilmaamay in raggaan la hor-geyn doono maxkamada awooda u leh si caddaalada ay u maraan.

Tillaabadan ayaa ku soo aadaysa xilli raggaan burcadda ah ay saaka isgoyska Ex-contorool Afgooye is-rasaaseyn ku dhexmartay, ka dib khilaaf soo kala dhex galay, iyadoona laba ruux oo ay hooyo waayeel ah ku jirto ku geeriyoodeen.