Doorashada Somaliland: Hooyo iyada oo codeyneyso ay foosha qabatay.

Hooyo kamid aheyd dadkii codkooda ka dhiibanayay doorashada ka socota Somaliland ayay foosha qabatay xilli ay safka ku jirtay.

“Waxay ku umushay xannaanada xaafadda Daami”, baraha bulshada ayaa si weyn looga hadal hayaa hooyadan.

Waxaa si habsami leh deegaannada Jamhuuriyadda goonni isu taageeda ku dhawaaqday ee Somaliland uga soconaya doorashooyinka dowladaha hoose iyo kuwa golaha wakiillada.

Doorashadan oo baaqatay laba jeer oo hore ayaa waxa ay noqonaysaa middii todobaad ee Somaliland ka dhacda tan iyo markii ay ku dhawaaqday inay isaga go’day Soomaaliya inteeda kale soddon sanadood ka hor.

Markii ugu horraysayna waxaa tartanka doorashada ka qeybgalaya xubno ka soo jeeda beelaha laga tirada badan yahay ee Somaliland.