Dad Ku Sumoobay Hilib Ay Ku Cuneen Degmo Ka Tirsan Koonfur Galbeed.

Dad farabadan oo ku sugan degmada Rabdhuure ee Gobolka Bakool ee dowlad Gobooleedka Koonfur Galbeed ayaa ku sumoobay hilib Geel ay cuneen, sida uu sheegay Maamulka degmadaas.

Guddoomiyaha Rabdhuure Maxamed Kheyr Salaad Daa’ud oo la hadlay warbaahinta ayaa u sheegay in 20 qof oo kamid ah dadka deegaanka degmafaas ku sumoobeen hilib geela ay cuneen.

Waxaa uu sheegay Guddoomiye Maxamed Kheyr in dadkaas ay xaaladooda Caafimaad liidato, isla markaana aysan heysan daryeed Caafimaad oo ku filan, una baahan yihiin gurmad.

Sidoo kale Guddoomiyaha degmada Rabdhuure ee Gobolka Bakool ee dowlad Gobooleedka Koonfur Galbeed ayaa sheegay inay adeg tahay in loo gurmado dadka, maadama degmadaas ay gacanta ku hayaan Al-shabaab.

Ilaa iyo hadda lama oga sababta keentay in hilibka geela ay cuneenka dadka uu noqdo mid sumeysan, waxaana dhacdadaan siweyn uga naxay markii ay maqleen dad ku sugan deegaano ka tirsan Gobolka Bakool.