Madaxa WHO “Sinnaan la’aanta qeybinta tallaalka ‘wuxuu dhib ku yahay dadka aadka ugu baahan..”

Madaxa Ururka Caafimaadka Adduunka ayaa sheegay in dhammaan shaqaalaha caafimaadka iyo dadka da’da ah ee ku nool guud ahaan adduunka xilligan laga tallaali lahaa xanuunka coronavirus haddii tallaalka loo qeybin lahaa si siman.

Xilli uu dirayay baaq ah in tallaal dheeri ah lala soo gaaro dalalka saboolka ah, ayaa Tedros Adhanom Ghebreyesus wuxuu sheegay in dowladaha tallaalaya dadka khatarta yar ugu jira xanuunka aydoor ku leeyihiin in dadka kale ee nugul ay waayaan.

Wuxuu sheegay in sinnaan la’aan qeybinta tallaalka ay xumeyneyso xaaladda xanuunka safmarka ah.

Dr Tedros ayaa sheegay inay tahay dunidu ay hiigsato in ugu yaraan dal walba laga tallaalo boqolkiiba toban wixii loo gaaro September, tiradaasna la gaarsiiyo 30% wixii loo gaaro dhammaadka sanadka.