Malaysia oo musaafurisay dad u badan muslimiinta Myanmar.

Maamulka Malaysia ayaa dalkooda ka masaafuriyay 1,086 qof oo dib loogu celiyey dakja Myanmar, ka dib markii maxkamadda dalkaasi ay diidday codsi ka yimid kooxaha xuquuqda aadanaha oo la xiriiray in la joojiyo tallaabadaasi.

Ururada u dooda xuquuqda aadanaha ayaa sheegaya in dadkasi la masaafuriyay ay ku jiraan qaar ka mid ah qowmiyadaha laga tirada badan yahay ee dhibaatada loogu geystay Myanmar.

Masaafurinta dalkaasi oo u badan muslimiid ayaa imaaneysa xilli dalka Mayanmar ay afgambi ku qabsadeen ciidamada,waxaana suurtagal ah in celinta kooxahaasi ay dhaliso khatar intaa ka sii weyn.

Xukuumadda Malaysia ayaa sheegtay in kuwa dib loo celinayo ay galeen dambiyo dhinaca socdaalka ah, waxayna dadka la celinayo ku tilmaameen in aysan ahayn magangalyo-doon.