Ciidamada Dowladda oo howlgalo ka dhan ah Al-Shabaab ka fuliyay Hirshabeele.

Shan qof oo lagu tuhunsan yahay in ay ka tirsan yihiin Al-Shabaab ayaa la qabtay,ka dib markii ciidamada Xoogga ay howlgal ka sameeyeen degaano dhanka bari kaga beegan degmada Jowhar ee caasimadda Hirshabeele, sida ay sheegeen saraakiisha ciidanka.

Ciidasmadaaan oo ka soo roqaansaday fadhiisamo dhowr ah oo ay kamid yihiin, Jowhar, Ceel-Baraf, Xawaadley iyo goobo kale, ayaa sidoo kale, waxaa ay fashiliyeen qaraxyo maleeshiyaadka argagaxisada ku aaseen waddooyinka isku xira degaanada howlgalada laga fuliyay. Waxaa howlgalka si wadajir ah u fuliyay ciidanka xoogga dalka qeybta 27 aad, kumandooska DANAB, Harmacad iyo kuwa Hirshabeele.

Argagaxisada Alshabaab ayaa laga saaray degaano dhowr ah, oo ay kamid yihiin; Baloog, Shamiito, Jiliyaale, Buulo-dheer, Qajafeey, War-ciise iyo kuwo kale, saraakiisha ayaa sidoo kale sheegay in ay hub ka furteen maleeshiyaadka Alshabaab.

Degaanada howlgalada laga sameeyay ayaa dhammaan waxaa ay hoos tagaan degmada Jowhar, qiyaastii 30km ayay u jiraan, waana degaano ahmiyad balaaran leh oo maleeshiyaadka Alshabaab in muddo ah dadka ku duleysanayeen.