Ciidamada Galmudug oo soo saaray Miinooyin ay aaseen malleeshiyada Al-Shabaab.

Dhuusamareeb:-Ciidamada Daraawiishta Galmudug ayaa howlgal miinooyin lagu soo saarayay ka fuliyay deegaanno hoos yimaada magaalada Bacaadweyne ee Koonfurta Gobolka Mudug, halkaasi oo ka mid ah goobo dhawaan lagu xasuuaqay malleeshiyada Al-Shabaab.

Saraakiil ka tirsan Daraawiishta Galmudug ayaa Warbaahinta Qaranka u xaqiijiyay inay gaareen degaanno malayshiyaada Al-Shabaab ku sugnaayeen.

Ciidanka ayaa soo bandhigay miinooyin Maleeshiyaadka Al-Shabaab ku aaseen waddooyinka ay Shacabka Soomaaliyeed maraan, si ay bulshada ugu waxyeeleeyaan.