Midowga Murashaxiinta oo soo dhaweeyay magacaabista Guddiyada Doorashooyinka Puntland iyo Jubbaland.

Golaha Midowga Murashaxiinta Madaxweynaha Soomaaliya ayaa soo dhaweeyay magacaabista Guddiyada Doorashooyinka Dowlad Goboleedyada Puntland iyo Jubbaland & shirka deg dega ah oo ay ku dhawaaween.

Qoraal kasoo baxay Midowga Murashaxiinta ayaa waxaa lagu sheegay in a muhiim tahay in ay shir deg deg ah isugu yimaadaan Dowladda Federaalka ah, Dowlad Goboleedyada, Midowga Murashaxiinta iyo Bulshada Rayidka ah si xal wadar oggol ah loogu helo caqabadaha ku gudban hirgelinta heshiiskii 17-kii September 2020.

Sidoo kale waxay sheegeen inay cadeeynayaan inuu dhameystiray turxaan bixinta Guddiyada doorashooyinka Heer Federaal iyo Heer Dowlad goboleed ee aan soo buuxin shuruudaha waafaqsan sharciga, isla markaana ay diyaar u yihiin inay soo gudbiyaan liiska, hadii la helo Goob iyo qaab loo hubiyo Guddiyada.

Madaxweynaha Soomaaliya Maxamed Cabdullaahi Farmaajo ayay ugu baqeen in uu kalin mas’uuliyadeed ka qaato xal u helida caqabadaha hortaagan hirgelinta heshiiskii 17-kii Septemer ee tabashada laga qabo guddiyada doorashooyinka marjaca & habraaca doorashooyinka Xildhibaannada Gobolada & Arrinta Gobolka Gedo.

Ugu dambeyn Golaha Midowga Murashaxiinta Madaxweynaha ayaa Madaxweyne Farmaajo uga digay in doorasho hal dhinac ah uu qabto, taas oo halis ku ah xasiloonida, midnimada iyo Wadajirka dalka.