Axmed Madoobe” Hub ay laheyd dowladda ayay Al-Shabaab nagula dagaalameen”

Madaxweynaha Dowlad goboleedka Jubbaland Axmed Maxamed Islaam ayaa sheegay in rasaas ay dowladda Soomaaliya la soo degtay ay heleen Al-Shabaab, isla markaana ay kusoo weerareen saldhiga Ciidamada Jubbaland ee degaanka Baar-sanguuni ee gobolka Jubbada Hoose.

Axmed Madoobe oo hadal ka jeediyay Shirka Madasha Aragti Wadaaga ee Machadka Heritage ayaa sheegay in Al-Shabaab oo ay dagaal kula jireen ay rasaastii ka go’day, hayeeshee Maalin gudaheed ay ku heleen hal maalin rasaastii ay dowladdu lasoo dagtay.

“Ciidamada Dowladda iyo kuwa Jubbaland aysan ka dhaxeyn wax wada-shaqeyn ah, isla markaana markii ay dhaawacmaan Ciidamada Jubbaland dhaawacooda la geeyo kismaayo kaliya AMISOM la faray inay qaadan Ciidamada dowladda taasina ay caqabad tahay” ayuu yiri Axmed Madoobe.

Dhanka kale Madaxweynaha Dowlad goboleedka Jubbaland Axmed Maxamed Islaam wuxuu sheegay in iyada oo aan siyaasad laga heshiin aan laga wada Sahqyen Karin amniga dalka.