Ayax Beec ah iyo Xal!!. “Aqool xumo Irmaan guran ka daran”

Kadib Markii la sii saadaaliyay in Ayax fara badan uu ku soo fool leeyahay Gobalada dhexe ee Somaliya ayaa 29 June 2020, Bangiga Aduunka wax uu Ansixiyay Lacag dhan $ 40 Million oo ka mid ah Kaalmada Horumarinta Caalamiya ah ( International Development Assistance – IDA) in lagu caawiyo Somaliya, looguna talagalay Mashruuca ka hor taga deg deg ah ee Ayaxa ( Emergency Locust Responce Progaram -ELRP). ..( F.S: 1aad).
Ayaxaas oo billaw ah ayaan ku arkay Galkacyo Bishii hore ( F.S: 2aad) , waqtigaa waxaa Garoonka Dayaaradaha OSHACO Intrrnational Airport ee Gaalkacyo tiil hal Dayaarad oo kaliya oo ah kuwa Qumaatiga u kaco oo ey leheyd Shirkadii Qandaraaska ku qaadatay ka hortagga Ayaxa. ( F.S: 3 & 4aad).
Ayaxaasi Maanta waxa uu soo Gaaray Magaalada Mahadaay ee Gobalka Sh/ Dhexe, isaga oo ku soo fool leh Dhinaca Balcad iyo Shabeelaha Hoose, kadib markii uu hore u soo xaalufiyay Dalaggii iyo Daaqii Goballo badan oo ah Bartamaha Somaliya. Ayaxaasi waxa uu reebi doonaa Koronkoro uu dhalay oo xiliga dambe soo bixi doonto.
Xal.
Somalidu waxay tiraa: “Aqool xumo Irmaan guran ka daran”, xagee loo isticmaalay $ 40 Million?. ((( Haddii la dhihi lahaa Qofkii soo qabto Hal Ayax waxaa la siinayaa Hal Dollar))), Ayuxu kama badno 40 Million oo Ayax ah, ” Qiyaasteyda aan sugneeyn” , waxa ey ila tahay in Ayaxa Hawada looga hor tagi lahaa, Jawaano lagu guri lahaa, Dadka Deegankuna ey heli lahaayeen $40 Million. (F.S: 5 -12aad)
Ha la is weeydiiyo Halka ey ku baxday $40 Million, wixii ey qabatay Cidii Qandraaska ku qaadatay.
FG: Cid gaar ah uma Dan lihi, mid ka mid ah Xalalka ayaan sidaa u arkay, Shacabkuna Xaq ayey u leeyihiin in ey ogaadaan arrimaha khuseeyo iyo $40 kaa Million oo macaawinada ahi halkii ey ku baxaday. wixii aan ka khalday iga sax, wixii ka dhimanna ku dar.
Qore:Yahya Amir.