Madaxweyne Farmaajo, Guddoomiye Mursal & RW Rooble oo kulamo xasaasi ah xalay yeeshay.

Madaxweyne Maxamed Cabdullaahi farmaajo, Guddoomiyaha Golaha Shacabka Maxamed Mursal Sheekh C/raxmaan oo uu wehlinayay Ra’iisul Wasaaraga Soomaaliya Maxamed Xuseen Rooble ayaa xalay waxay dhowr jeer yeesheen kulamo wadatashi ahaa.

Warraka la helay ayaa waxay sheegayaan in kulamada looga hadlayay magacaabista Xubnaha Golaha Wasiirada Soomaaliya maadaama Xukuumadda Cusub ee la soo dhisi doono ay heysato waqti yar oo laga doonayo inay wax badan qabato.

Kulamada wadatashiga ah ee la xiriira soo magacaabista Golaha Wasiirada Soomaaliya ayaa waxay ahaayeen todobaadkaan kuwa si isdaba-jooga ah uga dhacayay Madaxtooyada, waxaana lagu wadaa in Ra’iisul Wasaare Rooble uu saacadaha soo socda ku dhawaaqo Golihiisa Wasiirada.

Dhanka kale Ra’iisul Wasaaraha Soomaaliya Maxamed Xuseen Rooble ayaa xilligii ay codka kalsoonida siinayeen Xildhibaannada Golaha Shacabka waxaa uu balan qaaday in ilaa iyo 8 qodob in uu diirada saari doono, kuwaas oo Bulshada Soomaaliyeed u baahan yihiin in wax laga qabto.