INDHA ADAGAA!!! =Faallo u baahan inaad aqriso=

Subaxaan, kadib markii Quraacdu iga soo daahday, waxaan is arkay Anniga oo yaab la fara jacayo kaligeey. Sababtu ma aheyn Quraacdii oo iga soo daahday. waxaan soo Xasuusatay Laba dhacdo oo xaqiiq ah.
1. Dagaaladii Sokeeye ka hor, Dowlada Tanzania ayaa Markab Somalidu leedahay Eedeeysay kuna xanibtay Dekadda Dara salaam Caasimadda Tanzania. Ciidankii Badda ee Somalida ayaa u gurmaday oo Habeenkii xoog ku galay kana soo furtay Markabkii. ( F.S:1aad).
2. Dhalinyaro Somali ah ayaa Bartamaha Magaalada Nairobi ka soo Afduubtay Baabuurkii qaaliga ahaa ee uu lahaa Mr. Daniel Arab Moi oo markaa ahaa Madaxweyne ku xigeenka Kenya, ( Odayga mar kale ayaa laga xaday 2012 Baabuur kale oo Taargadiisu aheyd KBQ 455S, Qiimahiisuna ahaa 22 Million KSH) Gaarigii hore looga dhacay toos waxa ey u keeneen Magaalada Mogadishu ,wadooyinka Magaalada ayey ku wadaan jireen, weliba waddada Maka Al Mukarama.
Waxaan xasuustaa in Baabuurka ey dhigan jireen “Daarta tiree Biyaano ” ee lamabar Afar horteeda oo ku beegneed Safaaradii Kenya ee Mogadisho. Dowladii Kenya waxa ey u dacwootay wasiirkii Arrimaha Dibadda ee somalida, Cabdiraxman Jamac Barre oo ku jawaabay ,dhalin yaradu weey soo iibsadeen ayaan maqlay, kadibna Axmed Saleemaan Cabdalla oo ahaa Taliyihii Ciidankii NSS ta, kuna jawaabay waxba kama qaban karo.
Kadibna Maxamed Siyaad ayaa yiri: war kuwani kuwa wax og ma ahan, ma Caalamka ayeey nagu ceebeeynayaan, 2 Saac ka dib ayaa dhalin yaradii waa la soo xiray, Baabuurkiina waxaa lagu wareejiyay Safaaradda Kenya oo dib ugu celisay Nairobi. ( F.S: 2aad).
Indha Adagaa Somalidu, Dakad Caasimad Dal kale, in Markab laga soo furto iyo in Baabuur Caan ah ee Madaxweyna ku xigeen laga soo Af duubto Nairobi ilaa Mogadishuna la soo kaxeeyo oo Xuduuda la soo marsiiyo.
Maanta Kenya Xuduudaa laga celcelinaa, Tansaaniyana iyadaaba Beesha caalamku ka codsatay in ey noo tababarto 1000 Ciidan Somaliya ah, si ey ugu qaadato Lacagta loogu tala galay IS&SO ee Caalamka noogu deeqay. Fiiri Qoraalkaan: (The Tanzania People’s Defence Force (TPDF) will soon start training 1 000 members of the Somali National Army (SNA) including soldiers and officers as part of its contribution to the ongoing international security and stabilisation operation in the country.
Director of Communications in President Jakaya Kikwete’s office, Salva Rweyemamu, told Tanzanian media that the training programme will be conducted in terms of a revived military co-operation agreement signed between the two countries in 2012).
Indha Adeeyg badneedaa Somalidii hore, Kuwa hadda dibadda ku maqan ameey noo keeneen Gaarigii Madaxweynaha USA – Trump. Laakin, dhalinyaro aan arkay ka sugimaayo ee Alloow aan iyaga laftoodu la bililqeeysan . waxaan soo Xasuusatay Heestii aheyd (Raggii Turqyada Adkaa Tunkooda ka boodi jiray Talaaba xumaa ka haray).
Allaah ayaan ka baryayaa in uu nasiiyo Ciidan Awood leh iyo dhalinyaro Haybad iyo Dadnimo leh oo Danta Dadka, Dalka iyo Diinta ilaaliyo.
Indha adagaa !!!.
Intaa aan ku joojiyo Qoraalka, Runtii Quraacdii ayaa la ii keenay, ee Qaajo ha igu dulin. Raali ahaaw, Jimca mubaarak.
Qore: Yahya Amir.