Dhaq-dhaqaaqyo ciidan oo ka socda gobolka Jubbada Hoose.

Ciidanka xoogga dalka iyo kuwa daraawiishta dowlad goboleedka Jubbaland ayaa dhaq dhaqaaqyo ciidan ka wado deegaanno ka tirsan gobolka Jubbada hoose.

Howlgalladaan ayaa ka socda duleedka deegaanka Jannaa Cabdalle iyo deegaanno kale oo ka tirsan gobolkaas sida uu Warbaahinta Dowladda u sheegay Col.Idriis oo ka mid ah saraakiisha ciidamada Jubbaland.

Col. Idriis ayaa sheegay in howlgalladu ay ka socdaan afar jiho oo kala ah aagga Jannaa Cabdalle oo ciidanku ay dhawaan ka saareen maleeshiyada Al-shabaab,aagga Jammaame,Buulo-xaaji iyo aagga Badhaadhe.