Madxweyne Deni “Lacagaha loogu talogalay DG, hadiii ay sii xayirnaato, taasi waxay helis noqon doontaa …”

Saciid Cabdullaahi Deni Madaxweynaha dowlad Goboleedka Puntland ayaa sheegay in Dowladda Federaalka Soomaaliya ay u xayiran tahay lacago deeq ah oo dowlad Goboleedyada dalka loogu tala-galay.

Isaga oo warbaahinta kula hadlay Saciid Deni Muqdisho ayuu sheegay in Maamul Goboleedyada aan weli la soo gaarsiin lacag Baniga Adduunka u siiyay Soomaaliya, isla markaana la xanibay.

Wasaaradda Maaliyadda Xukuumadda ayuu ku eedeeyay Maadxweynaha Puntland inay lacagtaas xanibtay, isla markaana lacagta ay ku jirto Baniga dhexe, wuxuuna sheegay in hadii ay lacagtaas sii xayirnaato ay helis ku noqon doonto in mar kale la is-aamino.

Madaxweyne Saciid Deni ayaa ugu baaqay Dowladda Federaalka inay lacagta deeqda ah ee Baniga Adduunka dowladda u marsiisayay dowlad Goboleedyada dalka inay fasaxdo, iyadoona lacagtaas wax farabadan loogu qaban doono shacabka, loona bixiyo si cadaalad ah.