Dowladda FS oo amar culus ka soo saartay howlaha hay’adda Care ka waddo dalka

Dowladda federaalka Soomaaliya ayaa amar ku bixisay in la hakiyo gebi ahaanba howlaha hay’adda Care international ka waddo dalka Soomaaliya, kaddib markii lagu eedeeyay inay lugaha la gashay arrimo ka baxsan howlihii looga bartay.

War qoraal ah oo ka soo baxay sii hayaha wasiirka waxbarashada C/llaahi Goodax Barre ayaa lagu amray madaxa hay’adda Care Somalia Iiman Cabdullaahi uu dalka uga baxo muddo 24 saac gudahood ah, bacdamaa sida uu sheegay wasiirka faragelin ku sameeyay hannaanka waxbarashada dalka.

Xiriiriyaha hay’adda Care Somalia – Iman Abdullahi

Amarka la dul dhigay hay’adda caalamiga ah ee Care international qeybteeda Soomaaliya, waxaa kale oo lagu eedeeyay inay qaaday tallaabooyin dhinaca waxbarashada ah oo aanay fasax uga heysan dowladda dhexe ee federaalka Soomaaliya.

Waa markii ugu horeysay oo hay’adda Care lagu soo rogo amar kii ugu cuslaa ee dowladda Soomaaliya uga yimaada, iyadoo ka mid ah hay’adaha ugu faca weyn ee ka howl gala gudaha dalka, isla markaana hirgeliyay mashaariic kala duwan oo waxtar u leh bulshada degan Muqdisho inta badan gobolada dalka.

 

Shabakadda Somaliweyn Media Center (SMC)

Email : contact@somaliweyn.com

Muqdisho – Soomaaliya