Dowladda Soomaaliya oo Ceyrisay Agaasimihii Hay’adda CARE ee Soomaaliya.

Dowladda Federaalka Soomaaliya ayaa ku amartay in dalka uu isaga baxo agaasimihii hay’adda CARE USA ee dalka Iman Abdullahi, waxaana dowladda ay sheegtay in ay dalka uu si deg deg ah uga baxo.

Siihayaha wasiirka Waxbarashada Dowladda Federaalka Soomaaliya Cabdullaahi Goodax Barre ayaa madaxa CARE Somalia waxaa uu eedeyay faragalin la xariirta siyaasadda dalka oo sida la sheegay uu iska indha tirayo shuruucda dalka.

Warqad kasoo baxday Xafiiska wasiirka ayaa lagu sheegay in madaxa CARE Somalia uu isku dayay olole uu ku wiiqeyo horumarka qeybta waxbarashada dalka oo qas ka dhex abuuray dowladda federaalka Soomaaliya iyo dhigaggeeda, oo ay ku jiraan deeq bixiyayaasha iyo saaxibadeeda waxbarashada.

Sidoo kale waxaa warqadda lagu sheegay in uu isku dayday waxyeeleyn xiriirka ay dowladda la leedahay deeq bixiyayaasha iyo saaxiibadeeda kale.

Dowladda Soomaamliya ayaa horay waxaa ay u cayrisay madax hay’ado caalami ah, waxaa Iman Abdullahi ka horreeyay in dowladdu ay horay u cayrisay Ergeygii gaarka ahaa QM Soomaaliya u qaabilsanaa Nicholas Haysom sanadkii 2018-kii.