Roob xoog leh oo Khasaare Balaadhan ka gaystay Degmada Sallaxley oo u Dhow Hargeysa

Roob xoogan oo dabayl wata oo  Galabta ka da’ay Degmadda Sallaxley ayaa Khasaare kala duwan gaadhsiiyey Goobo dawladeed iyo Guryo dadweyne oo Ku yaala Magaaladda Sallaxley.

Gudoomiyaha Gobolka Maroodi Jeex Jaamac Xaaji Axmed  oo Khadka Telefoonka ugu waramay Wakaaladda Wararka Somaliland ee Solna ayaa sheegay in Roobkan dabaysha watay uu khasaare soo gaadhsiiyey Dugsigii Sare ee Degmadda, Kii Hoose dhexe ,Cisbitaalkii iyo Guryo badan oo dadweynuhu leeyihiin iyo Weliba Xarunta dawladda hoose ee degmadda sallaxley.

Gudoomiyaha Gobolka Maroodi Jeex waxaa kale oo uu sheegay in hal qof oo dumar ahi ay Kooma gashay kadib markii uu ku soo dumay Cisbitaalka degmaddu iyadoo laga saaray bukaanadii ku jiray Cisbitaalka degmadda Sallaxley.