Shir Beeleedyada kale muxuu uga duwan yahay?!!!.

Shir Beeleed ayaa ka dhacay Magaalada Mogadishu 3/8/2020, Labaddii Cisho ee Shirka ugu horeysay waan joogay Magaalada Mogadishu, Laakin iima suura galin in aan ka qeyb galo.Maalintii 3aad waan ka maqnaa magaalada.
Su’aalo badan ayaa shirkaan iiga soo baxay, markaan aqriyay qoraaladaa Baraha Bulshada .
1. Shirar Beeleed ayaa Hobyo, Garowe iyo Moqdishu hore uga dhacay, Laakin Midkaan si ka duwan ayaa loo arkayay, Maxaa looga baqayaa ?
2. Dastuurka waxaa ku qoran 4.5, macnaheeda runtaa waa qabiil, Nidaamka Dowliga ihi waxa uu ku dhisan yahay qabiil. kuwa shiray 3/8/2020,qabiilada Dastuurku ogolyahay kuma jiraan miyaa?
3. Nin Naftiisa u huray in uu Dadkiisa Badbaadiyo, ma kula tahay in uu ka baqayo in Daar dheer oo uu leeyahay, uu ka jecelyahay Naftiisa?
4. Nin ayaa leh, Deegaankaan Annga umbaa leh, mid kale ayaa yiri: Deegaankaana Ununkaa leh. Kii hore Dambi ma ahan, kan dambe ayaa dambi ah. hadalku waa isku mid ee ma luuqadaan la isku fahmin,? English ku wada hadla, si aad isku fahamtiin, say it is ours.
5.Aqoon yahankii ama Siyaasigaa u dhashay Beelihii shiray 3/8/2020, hadeey ka hadlaan dhibta Dadkooda waa qabyaaladiista yaal, kuwa kalena waa Xaq u dirir.
6. Dhaxalka Aabaheey iyo Hantideeyda haddan Zako iyo Sadaqo kaa siiyay intii Diintu igu waajibisay.
Hala sheegan dhaxalka walaalkaa sharcigu siiyay, Hanna ii sheegin inta Zako ama Sadaqo aan kaa siinayo Hantideeyda, Samirka badan ogaal la’aan ma ahan. walaalkeeyoow, see wax u jiraan?.
Su’aalahaa iyo kuwa kale ayaa iiga soo baxay Qoraaladii Baraha Bulshada ,Qofkii aan jadbeeysneeyn ha iiga soo jawaabo, Hala dhowro Midnimada, Walaalkaa ha dulmin, hana ogolaan in lagu Dulmiyo.
Somalidu waa wada walaalo aan is hureeyn ee haleeys Xaq dhowro.
Jawaabtaada ha qabuaaladeeyn, ee si caqli gala oo caadifadi ka maqan tahay u jawaab.
mahadsanid.
Qore: Yahya Amir