Taliska Qeybta 4aad Ee AMISOM Oo Maamulka Gobolka Hiiraan Ka Raali Geliyay Qalad Ka Dhacay+Sawirro

Taliska qeybta 4aad ee Ciidanka AMISOM ayaa raali galin ka bixiyay dhacdo 15 kii bishan garoonka diyaradaha Beledweyne looga celiyay Guddoomiyaha Gobolka Hiiraan Cali Jeyte Cismaan xili uu doonayay in uu soo dhaweyo wafdi ka socday dowladda Federaalka Soomaaliya oo beledweyne kuso wajahna.

Taliyaha qeybta 4aad ee ciidanka Nabad Ilaalinta Midowga Afrika ee AMISOM Kornayl Cabdiraxmaan Riyaale ayaa guddoomiyaha ka raali geliyay dhacdadii dhacday, kana codsaday wada shaqeyn buuxda in laga yeesho shaqooyinka  ka dhaxeeya labada dhinac.

Jeneraal Saalax Yacquub Cabdullaahi Abaanduulaha qeybta 27aad ee xoogga dalka Soomaaliyeed ayaa soo dhaweyay raaligelinta ay bixiyeen taliska qeybta 4aad ee AMISOM.

Guddoomiyaha Gobolka Hiiraan Cali Jeyte Cismaan oo dhankiisa ka hadlay kulanka ayaa bogaadiyay wadasheynta wanagsaned ee ciidamada AMISOM kala dhaxeysay, hadana uu markale diyaar u yahay in uu arrintaas xoojiyo,  waxaana uu codsaday in si wadajir ah la’isugu duubnaado si shaqo hufan loo qabto.

Goobta dhacdadan ka dhacday oo ah  afaafka hore ee garoonka diyaraadaha beledweyne ee Ugaas Khaliif  aya waxa gacanta ku haya cidamada AMISOM gaar ahaan Walaalaha dalka Jabuuti ka socda.