Xeer Ilaaliyaha Guud Ee Qaranka Oo Daah Furay Mashruuca Qiimeynta Kaaliyeyaasha Hay’adaha Garsoorka Dalka.

Xeer Ilaaliyaha Guud ee Qaranka ayaa maanta daah furay mashruuca qiimeynta kaaliyeyaasha Hay’adaha Garsoorka Dalka.

Qiimeyntan waxaa loogu tala galay in lagu qiimeeyo heerka aqoonta Kaaliyeyaasha Hay’adaha Garsoorka Dalka, sidoo kale waxa ay qeyb ka tahay horumarinta tayada Bahda Garsoorka Dalka.

Qaar ka mid ah Kaaliyeyaasha Hay’adaha Garsoorka Dalka oo la hadlay Warbaahinta ayaa soo dhaweeyay imtixaanka laga qaadayo oo lagu ogaanayo heerka uu gaarsiisanyahay aqoontooda.

Xeer Ilaaiyaha Guud ee Qaranka Dr.Sulaymaan Maxamed Maxamuud ayaa ka hadlay muhiimadda uu leeyahay Horumarinta iyo Qiimeynta lagu sameynayo tayada Kaaliyeyaasha Hay’adaha Garsoorka Dalka.

‘Waxaan ku faraxsanahay inaan maanta goob joog ka ahaado horumaritna iyo tayeynta soocoto garsoorka, oo ujeedda laga leeyahay ay tahay in adeega aan bulshada gaariineyno uu noqdo adeeg tayaysan ku dhisan xirfad iyo aqoon, una adegaya ujeedda iyo himilooyinka nolosha garsoorka uu leeyahay oo sanadkasta aan ku iclaaminayo shirka garsoorka” ayuu yiri Xeer Ilaaliyaha Guud ee Qaranka.