Wafdi ka socda Midowga Yurub oo maanta gaaray Magaaladda Baraawe.

Muqdisho:- Wafdi ka socda Ururka Midowga Yurub ayaa maanta gaarey magaaladda Baraawe ee gobalka shabellaha hoose, iyaggoo halkaasi u tagey mashaariic Hormarineed.

Guddoomiyaha Gobalka shabeelaha Hoose Ibrahim Adan Najax iyo Masuuliyiin kale ayaa si weyn ugu soo dhaweeyey magaaladda Baraawe wafdigaasi.

Inta ay halkaasi ku sugan yihiin ayaa waxa ay la kulmi doonaan masuuliyiinta gobalka iyo kan degmada, iyaggoo kala hadli doona qaabka ay noqon doonaan mashaariicda ay kalkaasi u tageen in ay ka fuliyaan.

Wararka ayaa waxa ay intaasi ku darayaan in ay kormeer ku tageen meelaha ay doonayaan ee qorshuhu yahay in ay mashaariicda laga hirgaliyo.

Madaxweynaha Dawlad goboleedka Koofurgalbeed Mudane Cabdicasiis Lafta-gareen ayaa dhowaan sheegay in maamulkiisu dadaal badan uu ku bixin doono inuu sameeyo waxqabad muuqda.