Wariye u shaqeynaayay Idaacadda Kulmiye oo Caawa Lagu Dilay Gudaha Degmada Afgooye.

Wararka laga helayo Degmada Afgooye ee Gobolka Shabeellaha Hoose ayaa waxay sheegayaan in Caawa halkaas lagu dilay Wariye Cabdiwali Cali Online.

Dilkaan ayaa wuxuu ka dhacay Xaafad ka tirsan Degmada Afgooye, isla markaana waxaa Wariyaha toogtay Kooxo ku hubeysnaa Bastoolado.

Wariye Cabdiweli Online ayaa ahaa Wakiil wareedkii Telefashinka Universal iyo Radio Kulmiye ee Gobolka Shabeellaha Hoose.

Kooxihii hubeysnaa ayaa goobta uu falka ka dhacay ayaa ka baxsaday, waxaana halkaas gaaray Ciidamo ka tirsan kuwa maamulka Degmada Afgooye.

Wararka ayaa intaas kusii daraya in Ciidanka ay Caawa howlgalo kala duwan ka wadaan Xaaafado ka tirsan Degmada Afgooye ee Gobolka Shabeellaha Hoose.

Dhanka kale ilaa iyo hada lama oga sababta loo dilay Wariye Cabdiweli Online, waana Wariyihii ugu horeeyay ee sanadkaan 2020 lagu dilo gudaha dalka Soomaaliya.