Ciidamada gaarka ah ee Kenya oo Heegan Buux la Geliyey, Cabsi Al-Shabaab Darteed.

Saraakiisha ciidanka Booliiska Kenya ayaa sheegay in heegan xooggan la geliyey ciidanka dalkaasi, kadib cabsi laga qabo in Al-shabaab ay weeraro hor leh ku qaadaan wadankaasi.

Ciidamo isugu jira Booliis iyo Milatari ayaa aad loo dhoobay deegaanka Elwak-Kotulo iyo waddooyinka ka yimaada dhanka magaalada Mandhera.

Saraakiishan ayaa sheegaya iney heleen xog cusub oo ah in ururka Al-shabaab doonayo weeraro iney ka fuliyaan gudaha wadanka Kenya.

Meelaha qaar ciidamada waxay ka sameynayaa baaritaanno aad u xooggan, xilli walbana waxay saraakiisha sheegeen in weerar ay filan karaan.