Ciidammada ilaalada xeebaha Somaliland oo qabtay afar Markab.

Muqdisho:-Ciidammada ilaalada xeebaha Somaliland ayaa soo qabtay illaa Afar Markab oo si sharci-darro ah uga kalluumaysanayey xeebaha galbeed ee Somaliland.

Ciidamada ilaalada biyaha Somaliland oo la sheegay inay ka bexeen gobolka ay Somaliland ugu magac dartay Selel ayaa gacanta ku soo dhigay afarta Markab oo laga leeyahay dalka Masar, kuwaas oo si sharci darro ah uga kalluumaysanayey xeebaha Somaliland.

Soomaaliland ayaa horay waxaa ay digniin ugu dirtay maraakiib ay sheegeen inay si sharci darro uga kalluumeystaan xeebaha Somaliland, waxayna horay u masaafuriyeen dad ajaanib ah oo ay ku eedeeyeen inay ku howlanaayeen ugaarsi iyo kalluumaysi sharci daro ah.

Weriyaha Idaacadda Kulmiye ee magaalada Hargeysa Ilyaas Cabdi Cali ayaa warbixintan nooga diyaariyey.