Nin Han & Himilo leh ma Hungoobo!!! (Dhuusa-mareeb ayay ka Shidan Tahay)

Ololayaal xoog badan ayaa soconayo, loolankii loogu jiray madaxtinimada Galmudug ayaa marayo heerkii ugu sarreeyay, rag badan oo uu hunguri kaga jiryo Hogaaminta maamulkaasi ayaa isa soo sharaxay, rajo-ahaan musharax kasta waxa uu ku haminayaa inuu guuleysto!!!

Siyaasiyiinta u taagan hogaaminta Dawlad-GoboleedKa Galmudug waxaa safka hore kaga jiro musharaxa u loolamayo xilka Madaxweyne Ku-xigeenka maamulkaasi Md, Cabdiweli Ibraahim Garyare, musharaxaan oo qura ayaa illaa iyo iminka isu soo diiwaan-galiyay qabashada xilka Madaxweyne Ku-xigeenka Galmudug, waa suuragal in musharaxiin kalana ay isa soo bandhiggaan maalmaha soo socda.

Boorarkii musharaxiinta ee horey u surnaa magaalada Dhuusa-mareeb ayaa maanta waxaa ku soo biiray boorar cusub oo uu ku sawirran yahay musharax Cabdi-weli Garyare oo u taagan xilka Madaxweyne Ku-xigeenka Galmudug, waddooyinka waa-weyn ee ku yaalo faras magaalaha Dhuusa-mareeb ayaa la dhigay boorarkaasi.

Taageerayaasha musharaxaan ayaa rumaysan musharaxoodu inuu yahay kan ugu dhaw ee ku soo bixi kara xilka uu u taagan yahay, bulsho badan oo jecel ayuu musharaxaasi ku leeyhay Galmudug, horey ayuu samafal badan uga sameeyay deegaanno ka mid ah maamulkaasi.

WD:C/Laahi Shiikhaalow