Madaxweynaha Jamhuuriyada Federaalka oo go’aansaday celinta jinsiyadda labaad ee dalka Mareykanka

Madaxweynaha Jamhuuriyada Federaalka Soomaaliya mudane Farmaajo ayaa go’aansaday celinta jinsiyadda labaad ee dalka Mareykanka.

Madaxweynaha wuxuu muujiyey qiimaha jinsiyadda Soomaaliya.

Dadka qaar ayaa qaba Sababta Ku kaliftay inuu iska celi jinsiyadaas Si uu u yimaado mareeykanka asagoo madaxweyne dal ah, si uu uga hor hadlo xarunta qaramada midoobay ayuu waxuu celiyey jinsiyadii uu ka heeystay Mareynkanka waayo asagoo wata dhalasho Mareykan ah misna ah madaxweyne dal kale, lama siin Karin maqaamka madaxeeyne.

Tani Waxay horseedi doontaa hogaamiyayaal badan oo labo baasaboorlayaal wata iney Ku qanci doonaan kan dalkooda.

Maanta oo ay taariikhdu tahay 1-da Ogoosto, 2019, waxaan si rasmi ah idiinla wadaageynaa in Madaxweynaha Jamhuuriyadda Federaalka Soomaaliya Mudane Maxamed Cabdullaahi Maxamed uu celiyay jinsiyaddiisii labaad ee uu ka qaatay dalka Mareykanka.

Hawshani waa mid soo socotay in muddo ah oo ay ku hawlanaayeen sharciyaqaanno iyo xafiisyada qaabilsan jinsiyadaha ee Soomaaliya iyo Mareykanka.

Madaxweyne Farmaajo wuxuu ku noolaa dalka Mareykanka muddo dheer isaga oo ka kororsaday aqoon iyo khibrado shaqo oo kala duwan, wuxuuna Jamhuuriyadda Federaalka Soomaaliya ka noqdoy Ra’iisul Wasaare sanadkii 2010.

Dastuurka Kumeel-gaarka ah ee Jamhuuriyadda Federaalka Soomaaliya ayaa oggolaanaya in muwaadinka Soomaaliyeed uu qaadan karo jinsiyad kale, balse markii la doortay ka dib, Madaxweynuhu waxa uu si iskiis ah u bilaabay qorshaha celinta baasaboorka labaad ee Mareykanka ah taas oo maanta soo idlaatay.

DHAMMAAD

Cabdinuur Maxamed Axmed,
Agaasimaha Warfaafinta ee Madaxtooyada JFS
Muqdisho-Soomaaliya