Ra’iisul Wasaaraha Kheyre oo guddoomiyey kulan looga arinsaday amniga Muqdisho.

Muqdisho:-Xasan Cali Khayre Ra’iisul Wasaaraha Soomaaliya ayaa guddoomiyay kulan looga hadlay amniga Caasimadda oo lagu qabtay taliska qaybta guud ee Booliiska gobalka Banaadir.

Shirkaan oo ay ka soo qayb galeen wasiirka amniga gudaha, guddoomiyaha gobalka Banaadir, taliyaasha ciidanka iyo khuburo amni ayaa diiradda lagu saaray dardar-gelinta iyo ka mira dhalinta qorshaha sugidda amniga dalka gaar ahaan amniga caasimadda.

Ra’iisul Wasaare Khayre ayaa warbixin iyo talooyin ka dhagaystay khuburada loo xil saaray aruurinta xogaha amni ee ay soo gudbiyaan laamaha amniga, waxa uuna ku ammaanay hay’adaha amniga dadaalka ballaaran ee ay ugu jiraan badbaadina nafta iyo hantida mawaadiniinta Soomaaliyeed.

Dhanka kale Hay’adaha amniga ayuu Ra’iisul wasaaruhu kula dardaarmay in ay laba jibaaraan dadaallada ay ugu jiraan xasilinta caasimadda si ummadda Soomaaliyeed ay u helaan nabad buuxda.