Ilhan Cumar oo ka war bixisay Khilaafka kala dhaxeeya Trump,

Xildhibaan Ilhaan Cumar oo ah Gabadh Soomaaliyeed oo ka mid noqotay Aqalka Wakiillada ee waddanka Mareykanka ayaa Faahfaahin ka bixisay Khilaafka kala dhaxeeya Madaxweynaha Mareykanka Trump oo xoogeystay maalmihii ugu dambeeyay.

Waxa ay sheegtay in khilaafkaan uu soo socday in muddo ahba, islamarkaana Trump uu kasoo horjeedo dadka Muslimiinta ah iyo sidoo kale Qaxootiga oo xuquuq badan ku leh dalka Mareykanka.

Ilhaan Cumar oo u warramaysay BBC Somali ayaa waxa ay sheegtay in khilaafka kala dhaxeeya Trump uu salka ku hayo khilaafka Trump kala dhaxeeya Muslimiiinta, dadka soo galootiga ah, haweenka iyo dadka madowga ah.