Ex madaxweyne Sheekh Shariif Sheekh Axmed Sheekh oo ka hadlay dagaalkii ka dhacay agagaarka Cadale

Bismillah!

Ugu horeyn waxaan ugu baaqayaa dadka walaalaha ah ee ku dagaalamaya qayba kamid ah gobolka Shabeelaha Dhexe in ay shuruud la’aan colaadda u joojiyaan, islamarkaana gartaan in dagaal uusan faa’iido u lahayn dadka wada dhashay ee ehelka ah iyo guud ahaan umadda Soomaaliyeed.

Marka labaad waxaan bogaadinayaa dadaallada Muqdisho iyo Shabeelaha Dhexe ka socda ee ah in colaaddaas laga hortago, dadka walaalaha ee wax kala tabanaya khilaafkooda lagu xaliyo is afgarad iyo is qancin.

Ugu dambeyntii waxaan xusuusinayaa walaalaha dagaalamaya in dagaal qabiil natiijadiisa ay umaddan soo aragtay 28 sano kabadan, oo aan laga dhaxlin waxaan ahayn halaag iyo in aan umadaha kale ka harno, sidaa darteed walaalayaal aan Allah u laabanno meelna iska dhigno colaadda qabaliga ah, nabad iyo isku tanaasul walaaltinimana aan ku bedelno.

MAHADSANIDIIN