Madaxweynaha Jubbaland” Dagaal ka dhan ah Shabaab ayaan qaadeynaa”

Madaxweynaha dowlad goboleedka Jubbaland Axmed Maxamed Islaam Madoobe ayaa sheegay in dhawaan Ciidanka Jubbaland ay qaadi doonaan howlgallo ka dhan ah Al-Shabaab.

Madaxweynaha waxaa uu sheegay in Jubbaland ay diyaarisay Ciidankii xoreyn lahaa degaanada ay maamulaan dagaalyahanada Al-Shabaab ee ku yaalla gobolada Jubbadda dhexe iyo waliba Jubbadda Hoose.

Axmed Madoobe ayaa xusay in tilaabaddaan ay timid ka dib markii bilihii lasoo dhaafay tababaro ay u socdeen cutubyo ka tirsan Ciidanka Jubbaland.

Waxaa uu ku adkeystay in sidda ugu dhaqsiyaha badan Al-Shabaab looga saari doono degaanada ay maamulaan,Maadaama uu sheegay in ay dhibaato badan ku hayaan Shacabka.