Odayaasha K/Galbeed oo ku Hanjabay in Wax Doorasho ah ka dhici karin Baydhabo.

War ay soo saareen Odayaasha dhaqanka ee degaanada maamulka Koonfur Galbeed ayaa lagu dalbaday in la sii daayo Sheekh Mukhtaar Roobow Cali oo shalay dowladda Soomaaliya ay ka soo xirtay Magaalada Baydhabo ee Caasimadda ee maamulka Koonfur Galbeed.

Odayaasha ayaa sheegay in banaanbaxyadda ka socda Magaalada Baydhabo ay sii socon doonaan tan iyo inta lasoo deynaayo Mukhtaar Roobow Cali.

Waxay sidoo kale tilmaameen in doorasho aysan ka dhicin karin 19 Bishaan Magaalada Baydhabo,hadii ay ka dhacdana wixii dhibaato ah oo ka dhasha Mas’uuliyideeda in ay qaadeyso dowladda Soomaaliya.

Wali xaalad kacsanaan ah ayaa laga dareemaya magaalada Baydhabo waxaana qeyba ka mid ah magaalada laga maqlaya rasaas Goos Goos ah.