Nabadoon Lagu Dilay Degmada Balad-Xaawo

Al-Shabaab ayaa xalay waxa ay weerareen degmada Bald-Xaawo ee Gobolka Gedo,halkaas oo ay ku sugan yihiin Ciidamada dowladda iyo kuwa Maamulka Jubbaland.

Mudo daqiiqado ah ayaa halkaasi waxa uu dagaal ku dhexmaray labada dhinac,iyada oo markii dambe ay degmada la wareegeen Al-Shabaab.

Al-Shabaab oo xalay weeraray degmada Balad-Xaawo ee Gobolka Gedo

Waxaa soo baxaya haatan warar sheegaya in Al-Shabaab ay gowraceen Nabadoon Magaciisa lagu soo koobay Dhaqane,kaas oo Al-Shabaab ay gurigiisa ay ugu galeen.

Sidoo kale wararka aan heleyno ayaa waxa ay sheegayaan in Al-Shabaab ay wateen laba Wiil uu uu dhalay Nabadoonka.

Wararkii u dambeeyay ee saakay naga soo gaaraya degmada Balad-Xaawo ayaa waxa ay sheegayaan in Al-Shabaab ay dib uga baxeen degmadaas Balad-Xaawo,isla markaana ay kusoo laabteen Ciidamada Dowladda iyo kuwa Jubbaland.