Mashaariic horumarin ah oo laga fulinayo degmada Balcad

Wasaaradda arrimaha gudaha Soomaaliya iyo hay’adda IOM ayaa iska kaashanaya mashaariic lagu horumarinayo degmada Balcad ee gobolka Shabeellaha dhexe.

Mashaariicda ayaa waxaa ka mid ah dhismaha Isbitaalka guud ee degmada Balcad, Hool lagu qabto shirarka iyo garoon lagu ciyaaro kubadda cagta, iyadoo mashruuca ugu horreya ee la dhagaxdhigay uu ahaa garoonka lagu cayaaro kubadda cagta oo ay wada-jir u dhagaxdhigeen guddoomiyaha degmada Balcad, Qaasim Cali Nuur iyo qaar kamid ah Xildhibaannada maamulka Hirshabeelle.




Guddoomiyaha degmada, ayaa uga mahadceliyay wasaaradda arrimaha gudaha iyo hay’adda IOM mashaariicda ay ka fulinayaan degmada Balcad oo ka mid ah deegaannada muhiimka ah ee gobolka Shabeellaha dhexe.

Facebook Comments