MAAMULLADA DEGMOOYINKA QAAR EE HARGEYSA OO DIIDAY BIXINTA CANSHUURTA

Saddex ka mid ah Maamullada Degmooyinka Magaalada Hargeysa ee Xarunta Somaliland ayaa diiday in ay bixiyaan canshuurta degmooyinka ee ay qaaddo dowladda hoose ee Hargeysa.

Mas’uuliyiinta Degmooyinka ayaa ku doodaya in Canshuurta laga qaado hayeeshee aysan jirin wax beddel ah oo ay ka heleen sidaas darteedna ay Canshuurta sideeda u bixinayaan kuna maareynayaan dhibaatada ka jirta degmooyinka iyaga oo aan gaarsiin Dowladda hoose.

Degmooyinka saddexda ah ayaa kala ah; Maxamuud Haybe,Axmed Dhagax iyo 31ka May,waxaana ay sheegayaan in iyaga ay isku tashanayaan.

Arrintan ayaa ka dhalatay kaddib markii maamullada Degmooyinkaas ay sheegeen in biyaha,Waddooyinka,  iyo adeegyada kale ee arrimaha bulshada ay kaga liitaan degmooyinka kale ee magaalada,waxaana ay gacan bidxeyn ku eedeeyeen maamulka Magaalada Hargeysa.

Magaalada Hargeysa waxaa ka socda mashruuc biyo gelin ah,kaas oo ay Somaliland sheegtay in Sanadka soo socda ee 2019 ay dadka magaalada heli doonaan biyo ku filan iyada oo mashruuca biya gelinta uu hadda marayo 85% sida ay sheegeen mas’uuliyiinta Somaliland.