Wararkii ugu dambeeyay xaaladda magaalada Beledweyne

Wararka naga soo gaaraya Magaalada Beledweyne ee Xarunta Gobolka Hiiraan ayaa sheegaya in saaka mgaalada uu ka taaganyahay Khilaaf u dhaxeeya labo malleeshiyo beeleed oo Magaalada ku wada sugan.

Arrintan ayaa salka ku heysa Bajaajle Labo maalmood ka hor lagu dilay Beledweyne,iyada oo Ciidanka Booliska ay qabteen Askari ka tirsanaa Booliska oo dilka geystay.

Malleeshiyo ku heyb ah Bajaajlaha la dilay ayaa shalay isku dayay in ay xoog Saldhigga Booliska ugala baxaan Askariga dilka geystay waxaana ay sababtay isku dhac dhexmaray Ciidankii saldhigga iyo Malleeshiyada weerarka qaadday.

Ugu yaraan saddex qof oo dhinacyadii dagaallamay ah ayaa ku dhintay weerarkaas,waxaana ku dhaawacmay labo kale,Milatariga Soomaaliya ayaa kala dhexgalay dhinacyada iyaga oo la wareegay Askariga ka tirsan Dowladda hoose ee dilka geystay.

Warar hoose ayaa sheegay in Malleeshiyada labada beelood ay isu hub urursanayaan,waxaana arrintan walaac ka muujiyay dadka Rayidka ah ee Magaalada deggan oo ka baqaya in lagu dul dagaallamo.

Maamulka Hirshabeelle iyo mas’uuliyiinta Gobolkaba kama hadlin ilaa hadda colaadda ka soo cusboonaatay Beledweyne.