Koronto ku dishay Muqdisho wiilal dhalinyaro ah

Wararka naga soo gaaraya degmada Warta-Nabadda ee Magaalada Muqdisho ayaa waxa ay sheegayaan in halkaasi labo wiil oo dhalinyaro ah ay ku dhinteen Koronto.

Dad goobjoogayaal ah ayaa xaqiijiyay  Geeridda 2 wiil oo dhalinyaro ah,kuwaasi oo la sheegay in ay dhimashadooda sabab u ahayd koronta qabatay xili ay meel wado ah marayeen.

Da’dooda  Wiilasha dhintay waxaa lagu qayaasay 16 ilaa 15 , waxaana uu falkaan ka dhacay nawaaxiga xarunta Degmada Wartanabadda ee magaalada Muqdisho.

Mid kamid ah wiilasha geeriyooday ayaa la sheegay in uu ku sii jeeday goobtiisa shaqo oo ku taala Suuqa Bakaaraha,halka kan kalana wararku ay sheegayaan in uu u socday goob uu ka dhigto GYM ama Jimicsi jirdhiska.