ANIGA IYO ABUUKAR QAADIID NOO GAR NAQA!!

Marka hore aad baan u Taageeersanahay Ololaha Abuukar Cawaale Qaadiid la Dagaalanka Qaadka Hase yeeshee Saakey mar aan marayey Agaagaarka KM4 waxaan ku arkey Tabeelo aad weyn oo uu ku sawiran yahay Ruux aan aqaano oo qaad Ruugaya oo uu Ujeedka uu yahay in Bulshada la Tusiyo Dhibaatada Qaadka.

Qalinkeyga mar waliba waxaan ugu adeegaa bulshada Soomaaliyeed mana Jecleysan in aan soo Bandhigo Sawirkaan, hadana waan ka Fursan waayey in aan u soo bandhigo Bulshada Soomaaliyeed Hase yeeshee Rayi ahaan aniga waxaan u qaatey Tabeelahaas Ninkaas ku sawiran yahay mid lagu Xayeysiinayo Qaadka oo kama Muuqato qaabka la dagaalnka Qaadka marka laga reebo eryayada ku qoran Tabeelaha oo ah kuwo aad u Wanaagsan.

Marka Abuukar waxay ahayd in uu isticmaalo Sawirada Arts-ka Farshaxanka oo uu ku Sawiro lacag Doolar oo dalka ka baxeyso iyo Qashinkii Qaadka oo Dalka la soo gelinayo.

Sidoo kale waxay ahayd in uu sawiro Sawir kale oo Arts ah Hooyo iyo caruurteeda oo aan Dabkii Shidan iyo Aabihii oo isaga marqaamaya Dhaqaalihii Reerka islamarkaana Gabey Masuuliyadii Reerkiisa oo ah Ruux aduun iyo aakhiro aan ogeyn.

Sawirka Tabeelaha oo aan ogahay in aan si wanaagsan looga Baaraadegin waa xadgudub marka la Fiiriyo soo Bandhigistiisa waayo Qofkaan waa iska dhaafi karaa Qaadka oo Nolosha ayuu ku soo laaban karaa, marka waxay ku Noqoneysaa Mustaqbalka isaga iyo Caruurtiisa uur ku taalo iyo Mahadho sidaa darteed Abuukar Qaadiid waxaan si Xushmad leh uga Codsanyaa in Dib ugu laabto Tabeelahaas waxaana ku soo Gabagabeynayaa Bulshada Soomaaliyeed “aniga iyo Abuukar Qaadid noo Gar naqa”. Sawirka waxaa qaadey Cabdirisaaq Salaad

W/D Amiin Yuusuf Khasaaro
E-Mail:amiinkhasaaro@hotmail.co.uk