Shir Hogaamiyaasha Wadamada Muslimiinta uga Furmaya Turkiga oo lagu wado inay xiriirka ugu jaraan Maraykanka.

Waxaa Magaalada Istanbuul ee dalka Turkiga ka furmay Shir ay isugu yimaadeen dalalka Islaamka kaasi oo looga hadlayo go’aankii Donald Trump uu Caasimada Israa’iil ugu aqoonsaday magaalada barakeysan ee Qudus, waxaana ka qeyb galaya Madaxweynaha Soomaaliya Maxamed C/laahi Farmaajo.


Shirkan oo ay ka soo qeyb galeen Hogaamiyeyaasha 16-dal iyo wakiilo ka socda qaar ka mid ah wadamada Islaamka ayaa waxaa khudbada furitaanka ka jeedinaya Madaxweyne Turkiga Erdugan oo ah Shir guddoomiye ah, isagoo ugu baaqay Mareykanka inuu ka laabto Go’aanka uu Qudus ugu aqoonsaday Caasimada Israa’iil, wuxuuna ugu yeeray Dowladaha iyo Hay’addaha Difaaca Xuquuqda Aadanaha inay caasimada Falastiin u aqoonsadaan inay tahay Qudus.
Waxaa la filayaa in shirka uu khudbad ka tarjumeyso qadiyada Falastiin inuu ka jeediyo Madaxweynaha Falastiin Maxamuud Cabaas Abuu Maasin, Falastiiniyiinta ayaa ka dalbanaya Dowladaha Islaamka in Shirkooda Istanbul ee maanta inay xiriirka ugu jaraan Maamulka Israa’iil ee heysta dhulalka reer Falastiin.
Dhanka kale Caro adag oo dunida Muslimka ah ayaa ka dhashay qaraarkii Madaxweynaha Mareykanka uu ku sheegay in Qudus ay tahay Caasimada Yahuuda.